قازاقستاندا ۋكراين كولىگىن شىعارۋ توقتاتىلدى

بۇل تۋرالى AllurGroup كومپانياسىنىڭ باسپا ءسوز حاتشىسى ۆياچەسلاۆ بالىكوۆ ايتتى.

ونىڭ ايتۋىنشا، قازاقستاننىڭ مۇنداي قادامعا بارۋىنا ۋكرايناداعى ساياسي تۇراقسىزدىق ىقپال ەتتى.

«2014 - جىلدىڭ سوڭعى توقسانىندا سوڭعى كولىك كومپلەكتى قۇرالادى. ءبىراق، قوسالقى بولشەكتەر سۇرانىسقا قاراي ۋكراينادان اكەلىنەتىن بولادى. وسى جاعدايعا بايلانىستى كومپانيا جۇمىس ورىندارىن قىسقارتۋدى كوزدەپ وتىرعان جوق. Chance وندىرىسىندەگى ماماندار SsangYong پەن Peugeot ءوندىرىس الاڭىنا كوشىرىلەتىن بولادى. «اگروماشحولدينگ» زاۋىتىندا اتالعان وزگەرىسكە بايلانىستى شىعىندار ەسەپتەلدى. كومپانيا جاقىن ارادا SsangYong پەن Peugeot ءوندىرىسىن كەڭەيتە تۇسپەك» ، - دەدى ول.

بيىل «اگروماشحولدينگ» ا ق 125 Chance ماركالى كولىگىن شىعارسا، بىلتىر ءونىم سانى 1976 بولاتىن.

قيىن جاعداي ۋكرايناداعى ZAZ وندىرىسىندە دە ورىن الدى. زاپوروجدىق الپاۋىتتا دا جاعىمسىز ەكونوميكالىق، گەوساياسي فاكتورلاردىڭ سالدارىنان ءوندىرىس كولەمى قىسقاردى.

«ۋكراۆتوپروم» قاۋىمداستىعىنىڭ تاراتقان اقپاراتى بويىنشا، ZAZ ماۋسىمدا 716 كولىك شىعارسا، شىلدەدە بار- جوعى 8 كولىك شىعارعان.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى