قازاقتىڭ ءار تويىنان تۇسپەيتىن قازىرگى حيت اندەر قانداي؟
وسى اندەر ارقىلى ەلگە تانىلىپ، قالتاسىن قالىڭداتقاندار كىم؟ ارىپتەسىم ايدا بورانباي توي- بيزنەس الەمىنىڭ جاڭا جۇلدىزدارىمەن تانىسىپ قايتتى.
تويدا زاتتىبەكتىڭ «اقمارجانى» مەن اقىلبەكتىڭ « قىزىل ورىگىنىڭ» ورنىن بۇگىندە «اسپانعا قارايمىن» مەن «ماريا ماگدالەنا» دەگەن اندەر باسقان.
بۇل انمەن اسحات قازىر جارتى قازاقستاندى شىر اينالىپ ءجۇر. ستاۆكاسى دا قوماقتى. ەستۋىمىزشە ءانشى 2000 دوللاردان كەم تويعا شىقپايدى ەكەن.
الايدا، حالىق سۇراعان ءاندى ءوز ءىسىنىڭ ناعىز ماماندارى جاقتىرمايتىن بولىپ شىقتى. ونەر الەمىندە ءوز ورنى بار ءانشى سايات مەدەۋوۆ بۇل ءاندى مۇلدەم تۇسىنبەپتى.
اسحات مىرزا تويدا باعىن اشقان ءاندى بارىنشا قورعاپ قالۋعا تىرىستى. الايدا، جالعىز اسحات ەمەس، قازىرگى وزگە دە كەيبىر انشىلەر حالىققا دۇرىس ءان ۇسىنۋ ءۇشىن ەمەس، تەز تانىلىپ اقشا تابۋ ءۇشىن ءان جازدىراتىنىنا ناليتىنىن ايتادى سايات مەدەۋوۆ.
سازگەر ۇلىقپان جولداسوۆ تا انشىلەردىڭ ماعىناسىز سوزدەردەن تۇراتىن، ساپاسىز اندەردى ورىنداۋىنىڭ ءبىر- اق سەبەبى بار دەيدى.
انشىلەردىڭ ەڭ ۇلكەن قاتەسى ءاندى تويعا، ساحناعا دەپ ءبولۋى دەيدى سايات مەدەۋوۆ. كەزىندە دۇركىرەگەن « قىزىل ورىك» تە تەك تويعا دەپ شىعارىلىپ، كەيىن ساحناعا شىعىپ كەتكەنى ەل ەسىندە.
ايتا كەتۋ كەرەك، اسحات تارعىنوۆتىڭ رەپەرتۋرىندا ماعىنالى اندەر دە بار. ءبىراق، ماعىنالى اندەرى ەمەس، حالىققا «ماريا» كەرەك بولىپ تۇرعانىنا اسحات تا كىنالى ەمەس سياقتى.
31-ارنا
