يماندىلىققا، وتانسۇيگىشتىككە باۋليتىن يسلام ءدىنىن قۇرمەتتەۋىمىز كەرەك - ن. نازاربايەۆ
«ءبىز تاۋەلسىزدىك جىلدارىندا ءدىنىمىزدى قايتارىپ كەلە جاتىرمىز. قازىر قاراپ وتىرساڭ، قازاقتىڭ ەش ۋاقىتتا دىنىنەن ايىرىلماعاندىعىن كورۋگە بولادى»، - دەدى ەلباسى.
ق ر پرەزيدەنتىنىڭ اتاپ وتۋىنشە، بۇگىندە ءبىزدىڭ عانا ءدىنىمىز جاقسى دەپ جۇرگەن باسقا ەلدەردىڭ جاعدايى مۇشكىل بولۋدا. ءدىن ءۇشىن ءبىر مۇسىلمان ءدىنى ىشىندە ءسۇننيت پەن شييتكە ءبولىنىپ، قان توگىپ جاتقان حالىقتار دا بار. ءبىر ءدىننىڭ ىشىندە سوعىسىپ جاتقان كاتوليكتەر دە جەتكىلىكتى. سوندىقتان دا ءدىن ماسەلەسىندە بارىنشا اباي بولۋىمىز كەرەك.
«دىنگە باس ۇرىپ جۇرگەن كەزدە ءبىز ءدىننىڭ جامان جاعىنا ءتۇسىپ كەتپەۋىمىز كەرەك. بىزگە زيان كەلتىرەتىن ءدىن اعىمدارى بار. قان توگىپ، سوعىسپەن ءدىن ورناتىپ، مەملەكەتتىك ءدىن جاسايمىز دەگەندەر بار. مۇحاممەد پايعامباردىڭ ساحابالارى ومار، وسمان، ءاليدىڭ كەزىندەگى حاليفاتتى قايتا ورناتامىز دەگەن بۇل جاۋلاپ الۋ ماسەلەسى بولاتىن»، - دەدى ن.نازاربايەۆ.
مەملەكەت باسشىسىنىڭ اتاپ وتۋىنشە، يماندىلىققا باۋلۋ، وتانىن قورعاۋ، قۇراننىڭ قاسيەتتەرىن ورىنداۋ ءۇشىن كەمتارلارعا كومەكتەسۋ، باۋىرماشىل بولۋ، ۇلكەندى سىيلاۋ، ەلدى بىرلىككە شاقىرۋ دەگەن سىندى ماسەلەلەرمەن ءدىندى وركەندەتەتىن بولسا، وندا ءدىننىڭ مەملەكەتكە ۇلكەن پايداسى، قامقورلىعى بولادى.
«مىنە، وسىنداي ءوزىمىزدىڭ مۇسىلمان ءدىنىن، يسلام ءدىنىن قۇرمەتتەۋىمىز كەرەك»، - دەدى ەلباسى.
اۆتور: مارلان جيەمباي
