ن.نازاربايەۆ: ءتىل جوعالسا، تىلدىك قاسيەت تە جوعالادى
«ءبىز جالپى، شىندىعىن ايتساق، تىلدەن دە، دىننەن دە ايىرىلا جازداعان ەلمىز. كەڭەس وداعى كەزىندە تۋرا ورىستاندىرۋ ماسەلەسى جۇرگىزىلدى. قازاقتىڭ ءتىلى - كىشكەنتاي عانا توپ قازاقتىڭ ءتىلى، ول قايدا شىعادى، كىمگە كەرەك؟ قازاقتىڭ شەكاراسىنان شىقساڭ بولدى، تىلدىڭ كەرەگى بار ما، جوق پا؟ شىندىعىندا، ءبىر جاعىنان قاراساڭ، ونداي دا بار. ءبىراق ءبىزدىڭ ەلىمىز ءۇشىن، جۇرتىمىز ءۇشىن قاجەت. ءبىز تاريحىمىز، مادەنيەتىمىز، سانامىز، عۇرپىمىزدى ءوزىمىزدىڭ تىلىمىزبەن عانا جەتكىزە الامىز»، - دەدى ن.نازاربايەۆ.
مەملەكەت باسشىسىنىڭ اتاپ وتۋىنشە، كەيبىر قازاقتىڭ ءسوز ورامدارىن، ابايدىڭ قارا سوزدەرىن ورىسشاعا، اعىلشىنشاعا جانە باسقا تىلدەرگە اۋدارىپ، ءدال ماعىناسىن بەرۋ مۇمكىن ەمەس.
«سەبەبى ءتىلىمىزدىڭ ءوزىنىڭ قاسيەتى بار. سوندىقتان ءتىل جوعالاتىن بولسا، وندا قاسيەت تە جوعالادى»، - دەدى ەلباسى.
اۆتور: مارلان جيەمباي
