قىتايدا شاڭحاي ىنتىماقتاستىق ۇيىمىنا قاتىسۋشى ەلدەر قارۋلى كۇشتەرىنىڭ لاڭكەستىككە قارسى جاتتىعۋلارئ باستالدى

وقۋ جاتتىعۋلارى 24-27 - تامىز ارالىعىندا چجۋجيحەدەگى پوليگوندا (ئشكى مونعوليا اۆتونوميالىق وكرۋگى) وتۋدە. وعان قازاقستان، قىتاي، قىرعىزستان، رەسەي جانە تاجىكستاننان 7 مىڭنان استام اسكەريلەر قاتىسادى.

بۇل ش ى ۇ ۇيىمداستىرعان ەڭ كولەمدى جاتتىعۋلار بولادى دەپ كۇتىلۋدە. وندا ءتۇرلى اسكەر تۇرلەرى، اۆياسيا، اۋە قورعانىسى جانە راديوەلەكتروندىق كۇرەس كۇشتەرى قاتىستىرىلادى.

قازاقستاننىڭ قارۋلى كۇشتەرى ايەرو ۇتقىر اسكەرلەر باتالونىنىڭ 300 دەسەنتتىق-شابۋىلداۋشى جاۋىنگەرلەرىن تانىستىرادى. سونداي-اق، جاتتىعۋلارعا قازاقستاندىق 10 گاۋبيسا، 20 ب ت ر جانە 40 اسكەري كامازدار قاتىسادى. سونىمەن قاتار، اۋە قورعانىسىنىڭ ان-72، سي-295 جانە ءتورت بىردەي سۋ-27 ۇشاقتارى جىبەرىلدى.

وقۋ جاتتىعۋلارىنىڭ ماقساتى - مۇشە-مەملەكەتتەردىڭ لاڭكەستىككە، ەكسترەميزم جانە سەپاراتيزمگە قارسى ءىس-قيمىلىن ۇيلەستىرۋ جۇمىسىن ودان ءارى دامىتۋ. «بەيبىت ماقسات» اتتى كوپ تاراپتىق وقۋ-جاتتىعۋ شارالارى 2007 - جىلدان بەرى وتكىزىلىپ كەلەدى.

ايتا كەتەيىك، «بەيبىت ماقسات-2010» جاتتىعۋلارى 2010 - جىلى قىركۇيەك ايىندا جامبىل وبلىسىنداعى ءماتىبۇلاق پوليگونىندا وتكەن بولاتىن.

اۆتور: ءابۋ-اسقار مەكەش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى