قازاقستاننىڭ عالامتور ارقىلى قىتايلىق تاۋارلاردى ساتىپ الۋ كورسەتكىشى ارتىپ كەلەدى
قىتاي حالىق رەسپۋبليكاسىنىڭ ۇلتتىق پوشتا قىزمەتى وكىلدەرىمەن كەزدەسكەن «قاز پوشتا» ا ق باسقارما ءتوراعاسى باعدات مۋسين وسى ماسەلەنى ەرەكشە اتاپ ءوتتى.
ونىڭ ايتۋىنشا، بۇگىندە قازاقستاندىقتار قىتايدىڭ ينتەرنەت- دۇكەندەرىن ءجيى ارالاپ، وزدەرىنە قاجەتتى تاۋارلاردى ساتىپ الادى. سوندىقتان پوشتا قىزمەتى سالاسىنداعى ەكىجاقتى ىنتىماقتاستىقتى دامىتۋ قاجەت. اسىرەسە، سالەم- ساۋقاتتاردى جەتكىزۋ مەرزىمدەرىن بارىنشا قىسقارتقان ءجون.
«قازىرگى كەزدە ينتەرنەت- ساۋدا شاپشاڭ دامىپ كەلەدى. ونىڭ ىشىندە قىتايدىڭ ينتەرنەت- دۇكەندەرى ساتۋ كولەمى جاعىنان الەم بويىنشا كوش باستاپ كەلەدى. ماسەلەن، وتكەن جىلى قحر- قازاقستان باعىتىندا جىبەرىلگەن سالەم- ساۋقاتتاردىڭ كولەمى ءۇش ەسەگە ءوستى. بىزدە ول بارلىق حالىقارالىق باعىتتاردى ارتقا تاستاپ، ءبىرىنشى ورىندا تۇر»، - دەيدى مۋسين.
كەزدەسۋ كەزىندە حالىقارالىق پوشتا ايىرباسى مەن ارنايى تەرمينالدى اشۋ ماسەلەسى دە تالقىعا سالىندى. ونى «قورعاس» حالىقارالىق ىنتىماقتاستىق ورتالىعى تەرريتورياسىندا قۇرۋ جوسپارلانىپ وتىر. سونىڭ ارقاسىندا ينتەرنەت- دۇكەندەر ءوز قويمالارىن اشىپ، سالەم- ساۋقاتتاردى جەدەل جەتكىزە الادى.
