ەلوردادا ورتا ازيا ەلدەرىنىڭ جاس سۋرەتشىلەرى ماراپاتتالدى - فوتو
فەستيۆال قاتىسۋشىلارىنا ق ر مادەنيەت جانە سپورت ءمينيسترى، ق ر يۋنەسكو جانە ي س ە س ك و ىستەرى جونىندەگى ۇلتتىق كوميسسيانىڭ ءتوراعاسى ارىستانبەك مۇحامەدي ۇلى ءوز قۇتتىقتاۋىن جولدادى. ونى اتالعان ۆەدومستۆونىڭ جاۋاپتى حاتشىسى قۋاتجان ۋاليەۆ وقىپ بەردى.
«مادەني مۇراعا باي كوپ ۇلتتى قازاق ەلى وزىندىك قاعيداتتى جانە مۇراتتى قوعامنىڭ جارقىن مىسالى بولا الادى. قازىرگى ۋاقىتتا جاھاندىق وزگەرىستەر مەن ساياسي وقيعالاردىڭ كەزەڭىندە ادامي قۇندىلىقتاردى ساقتاۋ يدەيالارى جاس ۇرپاقتار ءۇشىن وزىندىك ماڭىزعا يە بولىپ وتىر. قالىپتاسقان ءداستۇر بويىنشا ەلىمىز 3 - رەت ورتا ازيا ەلدەرىنىڭ شىعارماشىل دارىندى بالالارىن قابىلداپ وتىر» ، - دەلىنگەن ءمينيستردىڭ قۇتتىقتاۋىندا.
ۇيىمداستىرۋشىلاردىڭ ايتۋىنشا، اعىمداعى جىلى بۇل بايقاۋعا قازاقستان، قىرعىزستان، وزبەكستان، تاجىكستان، تۇركىمەنستان ەلدەرىنىڭ 700 دەن استام جاس قىلقالام شەبەرى قاتىسقان. سولاردىڭ ىشىندە سالعان تۋىندىلارى بايقاۋ تورەشىلەرىنىڭ كوڭىلىنەن شىققان 150 وقۋشى بۇگىن ماراپاتقا يە بولدى. بايقاۋعا ۇسىنىلعان بارلىق سۋرەتتەر البوم بولىپ شىعارىلىپ، جاس سۋرەتشىلەرگە تابىس ەتىلدى.
