ەستونيا پرەزيدەنتىنىڭ ايەلى جۇبايىنىڭ كوزىنە ءشوپ سالدى - كەسكىن

ءتىلشى ەۆەلين يلۆەستى Komeet كافەسىنىڭ الدىندا بەلگىسىز ءبىر ەر اداممەن ءسۇيىسىپ تۇرعانىن بايقاپ قالعان. «بەلگىسىز ءبىر ەركەكتىڭ قۇشاعىندا ەۆەلين يلۆەس ءوزىنىڭ مارتەبەسى مەن كۇيەۋى بار ەكەنىن ۇمىتىپ ءسۇيىسىپ، ءتۇنى بويى قۇشاقتاستى»، - دەپ جازادى باسىلىم. دالەل رەتىندە باقىتتى جۇپتار تۇسىرىلگەن بەينەجازبا كورسەتىلگەن.

باسىلىمنىڭ مالىمەتى بويىنشا، بۇل وقيعا 6- تامىز كۇنى بولعان. ول كۇنى Komeet كافەسىندە توي-تومالاق وتكەن، ال ەلدىڭ ءبىرىنشى حانشايىمى سول كافەدەگى ءبىر ورىنعا الدىن-الا تاپسىرىس بەرگەن. ەستونيا پرەزيدەنتىنىڭ ايەلى ءتۇنى بويى ول جەردە كوڭىل كوتەرىپ، تاڭ اتىپ، بارلىق قوناقتار كەتكەن كەزدە بەلگىسىز ەركەكپەن بي الاڭىنا شىققان.

كۋاگەرلەردىڭ ايتۋىنا قاراعاندا، پرەزيدەنتتىڭ جۇبايى مەن ونىڭ سەرىكتەسى وزدەرىن عاشىق جاندار سەكىلدى ۇستاعان، كەيىننەن ولار كافەدەن بىرگە شىعىپ كەتكەن. ەۆەليننىڭ سەرىگى 28-30 جاس ارالىعىنداعى ەركەك، ەستون تىلىندە سويلەگەن.

ءبىر قىزىعى، ەل پرەزيدەنتى بۇل كۇنى ەستونيادا بولعان. ءبىراق، مەملەكەت باسشىسىنىڭ ءوزى دە ونىڭ وكىلدەرى دە بۇل جاعدايعا بايلانىستى ءالى تۇسىنىكتەمە بەرمەدى.

ال ەۆەلين بولسا Facebook الەۋمەتتىك جەلىسىندەگى پاراقشاسىندا ءوزىنىڭ ارەكەتى ءۇشىن كەشىرىم سۇرادى. جۇما كۇنى، 22- تامىزدا ونىڭ پاراقشاسىندا: «مەن قازىر باسىمنان قيىن كەزەڭدى وتكەرىپ جاتىرمىن. ءوتىنىش، مەنى كەشىرىڭىزدەرشى»، - دەگەن جازۋ پايدا بولدى.

ايتا كەتەيىك، ەۆەلين يلۆەس ەل پرەزيدەنتى تووماس حەنريك يلۆەستىڭ ەكىنشى ايەلى. ەرلى-زايىپتىلاردىڭ كادري كەي ەسىمدى ورتاق قىزى بار.

Tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى