شاحتەرلەر كۇنى قارساڭىندا كەنشىلەردى قۇتتىقتادى - فوتو
شاحتەرلەر كۇنى - ەكىباستۇزدىڭ باستى مەرەكەلەرىنىڭ ءبىرى، قالادا ونداعان وتباسىلار اۋلەتى رەسپۋبليكاداعى ءىرى «بوگاتىر» جانە «ۆوستوچنىي» كومىر رازرەزدەرىندە جۇمىس ىستەيدى. ەكىباستۇزدىقتار اراسىندا كەنشى ماماندىعىن يەلەنگەن جاستار سانى كوبەيۋدە.
ءوڭىر باسشىسى شاحتەرلەردى كاسىبي مەرەكەلەرىمەن قۇتتىقتاپ، ولاردىڭ ودان ءارى جۇمىستارىنا تابىس تىلەدى.
پاۆلودار وبلىسىنىڭ اكىمى كومىر ونەركاسىبىن دامىتۋداعى كوپجىلدىق ادال ەڭبەگى، قوسقان ۇلەسى، قوعامدىق-ساياسي قىزمەتتەگى بەلسەندى ومىرلىك ۇستانىمى ءۇشىن «بوگاتىر» رازرەزى باسقارماسى ءپۋلتىنىڭ وپەراتورى ۆلاديمير گۋسيەۆتى، «ەنەرگوباسقارۋ» ج ش س وندىرىستىك ەلەكتر زەرتحانالارىن سىناقتان وتكىزۋ جانە ولشەۋ جونىندەگى ەلەكر مونتەرى سانوبار ىبىرايەۆ پەن «ۆوستوچنىي» رازرەزىنىڭ جىلۋمەن جابدىقتاۋ ۋچاسكەسى قازاندىعىنىڭ جانە جەلىسىنىڭ ءماشينيسى تاتيانا كليموۆانى قۇرمەت گراموتالارىمەن ماراپاتتادى.
وبلىس اكىمىنىڭ العىس حاتتارىمەن «ەنەرگوباسقارۋ» ج ش س وندىرىستىك-تۇرمىستىق ءبولىمىنىڭ جەتەكشى ينجەنەرى ەلەنا باەر، «انگرەنسور ەنەرگو» ج ش س تاۋ-كەن ءىسى شەبەرى ارسەن ءجۇنىسوۆ، «بوگاتىر كومىر» ج ش س جۇرگىزۋشىسى تۇرسىنعالي وقاسوۆ، «ۆوستوچنىي» رازرەزىنىڭ تەحنولوگيالىق كەشەنى ۋچاسكەسى كونۆەيەرىنىڭ ءماشينيسى سۇيىندىك تىشقامبايەۆ ماراپاتتالدى.
كومىر ونەركاسىبى قىزمەتكەرلەرى كاسىپ وداعىنىڭ ەكىباستۇز اۋماقتىق كەڭەسىنىڭ ءتوراعاسى نيكولاي پوپوۆ 35 جىل بۇرىن قۇرىلعان بىرەگەي «ۆوستوچنىي» رازرەزىندە العاشقى باس مامانداردىڭ ءبىرى بولعان ارداگەر كەنشى امانعوس وتەگەنوۆكە «كومىر ونەركاسىبىنىڭ قۇرمەتتى قىزمەتكەرى» بەلگىسىن تابىستادى. سالتاناتتى جينالىس سوڭى كونتسەرتكە ۇلاستى. وندا كومىر كاسىپورنىنىڭ شىعارماشىلىق ۇجىمى ونەر كورسەتتى، شاحتەرلەرگە ارناپ قازاقستاننىڭ تانىمال ءانشىسى ماقپال يسابەكوۆا ءان شىرقادى.
ەسكە سالا كەتەيىك، جىل سايىن تامىزدىڭ سوڭعى جەكسەنبىسىندە قازاقستان شاحتەرلەرى كاسىبي مەرەكەلەرىن اتاپ وتەدى.
