ماڭعىستاۋ كاسپيدە تۋريزمدى دامىتۋدا تۇرىك تاجىريبەسىن پايدالانادى - ا. ايداربايەۆ
جۇزدەسۋ بارىسىندا ماڭعىستاۋ وبلىسىنىڭ اكىمى اليك ايداربايەۆ قازاقستان باسقا ەلدەردىڭ شەكارالاس اۋداندارىمەن الەۋمەتتىك- ەكونوميكالىق جانە ساۋدا قاتىناستارىن بەلسەندى دامىتىپ جاتقاندىعىن ايتتى.
«ءبىز تۇرىك كاسىپكەرلەرى تاراپىنان ينۆەستيتسيانى ۇلعايتۋعا مۇددەلىمىز. ءبىزدىڭ ءوڭىر، جالپى قازاقستان ەۋرازيانىڭ كولىك- لوگيستيكالىق ورتالىعىنا اينالدى. وبلىستا تەڭىز پورتى، سال وتكەلى ينفراقۇرىلىمى دامۋدا. كاسپيي تەڭىزى مەن اشىلاتىن جاڭا تەمىر جول ارقىلى جۇك تىكەلەي تۇركياعا جەتكىزىلەتىن بولادى. ءبىز قويما سالۋ ءۇشىن ەركىن ەكونوميكالىق ايماعى اۋماعىنا جەر بەرۋگە ءازىرمىز، سەبەبى ءونىم تەك قانا ءبىزدىڭ وڭىردە عانا ەمەس، قازاقستاننىڭ باتىسىنداعى وزگە دە ايماقتارعا ساتىلۋى ءتيىس» ، دەپ اتاپ ءوتتى ا. ايداروۆ.
بۇدان باسقا، ول ماڭعىستاۋ وبلىسىنىڭ بيلىگى تۋريزم دامىتۋ جانە تابىستى بيزنەس جۇرگىزۋ ءۇشىن كاسپي تەڭىزى جاعالاۋىنان ۋچاسكە بەرۋگە ءازىر ەكەنىن اتاپ ءوتتى.
ال تۇركيا دەلەگاتسياسىنىڭ وكىلدەرى ءوز مۇمكىندىكتەرىمەن ءبولىسىپ، بارلىق سالاداعى ءوزارا ءتيىمدى ارىپتەستىكتى كۇشەيتۋدى ۇسىندى.
