ق ر پرەزيدەنتى: مينيسترلىكتەرگە باسشىلىققا كەلگەندەر - ءوز سالاسىنىڭ ماماندارى
«حابار» تەلەارناسىنا ەكسكليۋزيۆتى سۇحبات بەرگەن ق ر پرەزيدەنتى نۇرسۇلتان نازاربايەۆ وسىلاي ءمالىم ەتتى.
ەلباسى جاقىندا ۇكىمەتتە جاسالعان ءبىراز وزگەرىستەر مينيسترلەر كابينەتىندەگى شەنەۋنىكتەردىڭ سانى شاعىن بولۋىنا جانە ولاردىڭ اتقاراتىن جۇمىستارىن اۋقىمدى ەتۋگە بايلانىستى ەكەنىنە ايتا كەلە، «بايقاساڭىزدار، مينيسترلىكتەردىڭ باسىنا كەلگەن ازاماتتار مەن ازاماتشالاردىڭ جاسى 40 پەن 50 ءدىڭ اراسىندا. كوپشىلىگى اعىلشىن ءتىلىن يگەرگەن. ولار - ءوز سالاسىنىڭ ماماندارى. بۇل باسشىلار شەتەلدىكتەرمەن سويلەسە الادى، كەلىسسوزدەر جۇرگىزۋگە قاۋقارلى» ، - دەدى.
وسى ورايدا مەملەكەت باسشىسى بۇگىندە ەلىمىزدە بىلىكتى جاس ماماندار قاتارى كوبەيىپ ءوسىپ كەلە جاتقاندىعىن اتاپ ءوتتى.
«ولاردىڭ بارلىعى مەملەكەتتىك قىزمەتپەن اينالىسۋدا. ولار قازاقستاندا ەڭ ۇلكەن پاتريوتتاردىڭ ءبىرى بولادى. سونىمەن قاتار بۇل ماماندار قازاقستاندى العا سۇيرەيدى دەپ سەنەمىن» ، - دەپ ءتۇيدى ن. نازاربايەۆ.
اۆتور: رۋسلان عابباسوۆ
