شەكارادان اقشانى توسەككە جاسىرىپ وتپەك بولعان ازامات ۇستالدى

سولتۇستىك-باتىس كەدەن باسقارماسى باسپا ءسوز قىزمەتىنىڭ «روسبالتقا» حابارلاۋىنشا، شەكاراعا كەلگەن ەستونيا ازاماتى تەك جۇك اۆتوموبيلىنە عانا قۇجاتتار تاپسىرعان. ماشينانى تەكسەرۋ بارىسىندا جاتىن ورىننان البومدار، پلانشەت، ءتۇرلى اقشا بەلگىلەرى، ماركالار مەن مونەتالار سالىنعان جاشىك تابىلعان.

تابىلعان بەس مىڭنان استام كوللەكتسيا ماسكەۋگە ساراپتاماعا جىبەرىلمەك. الدىن الا اقپارات بويىنشا، ءاربىر مونەتا جەكە-جەكە باعالاناتىن بولادى. شاقالار 1876، 1831، 1919، 1933- جىلدارى ءارتۇرلى ەلدە شىعارىلعان. بۇدان بولەك كوپتەگەن مەملەكەتتەردىڭ كونە اقشا بەلگىلەرى، وبليگاتسيالار مەن ۆەكسەلدەر بار.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى