بۇرىنعى پرەمەر-ءمينيستردىڭ ءولتىرىلۋى جايىنداعى فيلمدى كورسەتۋگە تىيىم سالىندى

بۇل جايىندا شەتەلدىك ب ا ق حابارلادى.

كينوسىنشىلاردىڭ پىكىرىنشە، رەجيسسەر راۆيندەرا ءراۆيدىڭ «قوعام گاۋھارى» (Kaum De Heere) تۋىندىسى ساياسي قايراتكەردى ءولتىرۋشىنى ماداقتايدى. ال بۇل قوعامدا نارازىلىق شارالارىنىڭ ورىن الۋىنا تۇرتكى بولۋى مۇمكىن.

مۇنداي شەشىمدى «قوعامدىق تارتىپكە قاۋىپ» توندىرەتىندىگىنە بايلانىستى ءۇندىستاننىڭ فيلمدەردى سەرتيفيكاتتاۋ جونىندەگى ورتالىق باسقارماسى قابىلداعان.

ينديرا گاندي 1984- جىلدىڭ 31- قازانىندا ءوز رەزيدەنتسياسىندا ولتىرىلگەن بولاتىن. ونى ۇكىمەت باسشىسى كۇزەت قىزمەتىنىڭ پوليتسەيلەرى بەانت سينگح پەن ساتۆانت سينگح اتقان ەدى. وسىدان كەيىن ەلدەگى تايپالار اراسىندا قاقتىعىستار ورىن الىپ، بىرنەشە مىڭ ادام قازا تاپتى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى