الماتى مەن ءۇرىمشى تۋريزم سالاسىندا مەموراندۋم بەكىتتى
دەپ حابارلايدى BNews.kz ءتىلشىسى.
بۇگىن ءۇرىمجىنىڭ تۋريزم باسقارماسىنىڭ باسشىلىعى تۋريستىك سالادا ىنتىماقتاسۋدىڭ ءتۇرلى مۇمكىندىكتەرىن ۇسىنۋ ماقساتىمەن الماتىعا كەلدى. قىتاي تاراپى كورسەتكەن ءۇرىمجى تۇساۋكەسەرىندە قالانىڭ قازاقستاندىق تۋريستەر ءۇشىن ەكونوميكالىق جانە تاريحي تارتىمدىلىعى جايىندا ايتىلعان.
«ءبىز ەكى ەلدىڭ تۋريستىك اگەنتتىكتەرىنىڭ اراسىندا ارىپتەستىك ورناتۋ ءۇشىن قولايلى جاعدايلار جاساۋعا مۇددەلىمىز. «جىبەك جولىنىڭ ەكونوميكالىق ىنتىماقتاستىعى» اياسىنداعى ءوزارا ارەكەتتەستىك قوس قالا اراسىندا سەرىكتەستىك قاتىناستارىن ودان ءارى دامىتۋعا ارنالعان العاشقى ءتيىمدى قادام بولاتىنا سەنىمدىمىن» ، - دەپ مالىمدەدى مەموراندۋمعا قول قويۋ بارىسىندا ءۇرىمشىنىڭ تۋريزم باسقارماسىنىڭ باسشىسى سياو حۋ.
الماتى قالاسىنىڭ تۋريزم باسقارماسىنان اتاپ وتكەندەي، ەكىجاقتى كەلىسسوزدەر ءبىر ايدان اسا مەرزىمگە جالعاسقان. ەڭ الدىمەن ءبىزدىڭ قالالار اراسىنداعى سەرىكتەستىك قاتىناستارعا بيزنەس- تۋريستەر مەن ساۋدا سالاسىنداعى كاسىپكەرلەر مۇددەلى. ولار بۇعان ۇلكەن ءمان بەرەدى، ويتكەنى قىتاي تاۋارلارىنىڭ نەگىزگى بولىگى ۇرىمجىدەن كەلەدى.
