س. احمەتوۆ قازاقستاندىق اسكەري قىزمەتشىلەردىڭ كاسىبي شەبەرلىكتەرىنە جوعارى باعا بەردى - فوتو

اتالعان شاراعا ارمەنيا، بەلارۋس، قازاقستان، قىرعىزستان، رەسەي جانە تاجىكستاننان 3000 عا جۋىق اسكەري قىزمەتشى قاتىستى.

 وقۋ- جاتتىعۋدىڭ بەلسەندى كەزەڭىنە ق ر قورعانىس ءمينيسترى سەرىك احمەتوۆ، ۇ ق ش ۇ باس حاتشىسى نيكولاي بورديۋجا، سونداي- اق ر ف قورعانىس ءمينيسترىنىڭ ءبىرىنشى ورىنباسارى، ارميا گەنەرالى اركاديي باحين، ارمەنيا قورعانىس ءمينيسترىنىڭ ءبىرىنشى ورىنباسارى داۆيد تونويان، بەلارۋس ق ك باس شتابىنىڭ باستىعى، گەنەرال- مايور ولەگ بەلوكونيەۆ قاتىستى.

ق ر قورعانىس ءمينيسترى سەرىك احمەتوۆ وقۋ- جاتتىعۋعا قاتىسۋشىلاردى ونىڭ تابىستى اياقتالۋىمەن قۇتتىقتادى. «مەملەكەتىمىزدىڭ باسشىسى نۇرسۇلتان ءابىش ۇلى نازاربايەۆ ۇ ق ش ۇ اياسىنداعى كواليتسيالىق ءوزارا ءىس- قيمىل ماسەلەلەرىنە ۇلكەن كوڭىل بولەدى» ، - دەدى مينيستر ءوز سوزىندە.

ول ۇجىمدىق جەدەل دەن قويۋ كۇشتەرىنىڭ ۇجىمدىق قاۋىپسىزدىك شارت ۇيىمى جاۋاپكەرشىلىگى ايماعىندا ۇجىمدىق قاۋىپسىزدىكتى قامتاماسىز ەتۋدەگى ءرولىن اتاپ ءوتتى.

«بارلىق اسكەري قىزمەتشىلەر جاۋىنگەرلىك داعدى مەن كاسىبي ءىس- قيمىل كورسەتتى» ، - دەگەن مينيستر وسىنداي وقۋ- جاتتىعۋلاردا شتاب وفيتسەرلەرى اسكەرلەردى قولدانۋدى جوسپارلاۋدا جاقسى تاجىريبە جيناقتاپ، ءوزارا ءىس- قيمىل ماسەلەلەرىن پىسىقتاۋعا مۇمكىندىك الاتىندىعىن اتاپ ءوتتى.

س. احمەتوۆ اسكەري قىزمەتشىلەرگە ولاردىڭ جوعارى كاسىبي شەبەرلىكتەرى مەن جاۋىنگەرلىك داعدىلارى ءۇشىن العىس ءبىلدىرىپ، ۇ ق ش ۇ- عا قاتىسۋشى ەلدەردىڭ قاۋىپسىزدىگى مۇددەسىندە بەيبىتشىلىك پەن تۇراقتىلىقتى قامتاماسىز ەتۋ ىسىندە تابىستار تىلەدى.

 اۆتور:  مارلان جيەمباي 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى