ەكى مىڭعا جۋىق قازاقستاندىق شەتەلدەردە سوتتالدى - ق ر باس پروكۋراتۋراسى

قاداعالاۋشى ۆەدومستۆونىڭ مالىمەتىنشە، سوتتالعانداردىڭ دەنى ت م د ەلدەرىندە. «دەگەنمەن الىس شەتەلدەردە دە جازاسىن وتەپ جاتقان وتانداستارىمىزدىڭ سانى ءبىرشاما: ماسەلەن، گ ف ر- دا 46 ادام، كورەيا رەسپۋبليكاسىندا 22 ادام، ق ح ر- دا 16 ادام جانە ت. ب. » - دەلىنگەن حابارلامادا.

ق ر ءى ءى م قىلمىستىق- اتقارۋ جۇيەسى كوميتەتىنىڭ مالىمەتىنشە، اتالعان مەرزىمدەگى اقپاراتتار بويىنشا، ەلىمىزدە 1966 شەتەل ازاماتى جازاسىن وتەۋدە. ولاردىڭ 1912 سى ت م د ازاماتتارى بولسا، 54 ءى الىس شەتەلدەردىكى.

بيىل قازاقستاننىڭ تۇزەۋ مەكەمەلەرىنە جازاسىن شەتەلدە وتەپ جۇرگەن 17 ازامات اكەلىنگەن. ال قازاقستاندىق سوتتارمەن سوتتالعان 30 دان استام شەتەلدىك ءوز ەلدەرىنە جىبەرىلگەن.

«جازاسىن وتەۋشىلەردى ءوز ەلدەرىنە قايتارۋ شارتى ت م د ەلدەرى اراسىنداعى كونۆەنتسياعا سايكەس جۇرگىزىلەدى. اتالعان جۇمىس قازىردە رەسەيمەن، قىرعىزستانمەن، تاجىكستانمەن، گرۋزيا جانە ازىربايجانمەن جاقسى جولعا قويىلعان» ، - دەپ اتاپ ءوتتى پروكۋراتۋرادا.

دەگەنمەن، كونۆەنتسياعا قاتىسۋشى مەملەكەتتەردىڭ بارلىعى ءوز ازاماتتارىن قابىلداۋدا وڭ شەشىم شىعارا بەرمەيدى. ونىڭ سەبەپتەرى ءارتۇرلى. ماسەلەن، كەيبىر مەملەكەتتەر جازاسىن وتەۋشىنىڭ ەل مۇددەسىنە كەرى اسەرىن تيگىزۋى مۇمكىن ەكەندىگىن نەمەسە ونى اسىراۋعا بيۋدجەتتەن قاراجات بولىنبەگەندىگىن العا تارتادى.

«ماسەلەن، ت م د ەلدەرى اراسىندا وزبەكستان رەسپۋبليكاسى اتالعان كونۆەنتسيانى راتيفيكاتسيالاعان جوق، سوندىقتان بىزدە وسى ەلدىڭ قۇزىرەتتى ورگاندارىنا ءبىزدىڭ ەلدەگى وزبەكستان ازاماتتارىن جازاسىن ودان ءارى ءوز ەلىندە جالعاستىرۋى ءۇشىن قايتارۋعا ءوتىنىش بەرۋ مۇمكىندىگى جوق» ، - دەلىنگەن حابارلامادا.

ايتا كەتەيىك، شەتەلدە جازاسىن وتەپ جاتقان قازاقستان ازاماتتارىن ەلىمىزگە اكەلۋدەن باس تارتۋ وقيعالارى بولعان جوق.

اۆتور: ءابۋ- اسقار مەكەش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى