كيەۆتە اسكەري پاراد ءوتتى - فوتو

كيەۆتىڭ باس كوشەسىمەن «دوزور» اسكەري اۆتوموبيلدەرى، «وسا» ، «توچكا- ۋ» ، «س-300» زەنيتتىك اۋە قورعانىسى كەشەندەرى جانە ۋكراينادا جاسالعان ب ت ر-3 پەن БТР-4Е  اسكەري تەحنيكالارى ءجۇرىپ ءوتتى.

 پارادقا قاتىسقان اسكەري قىزمەتشىلەر مەن تەحنيكانىڭ ءبىر بولىگى شارا بىتىسىمەن ەلدىڭ شىعىسىندا تەررورعا قارسى وپەراتسيالار ءجۇرىپ جاتقان ايماققا اتتاندى.

ۋكراينا پرەزيدەنتى پەتر پوروشەنكو قۇتتىقتاۋ سوزىندە جاقىن بولاشاقتا ۇكىمەت ارميانى قايتا جاراقتاندىرۋعا قىرىق ميلليارد گريۆەننەن (ءۇش ميلليارد دوللارعا جۋىق) اسا قارجى جۇمسايتىن بولادى دەپ مالىمدەدى. ونىڭ ايتۋىنشا، ۋكراينالىقتارعا «ۇنەمى ءتونىپ تۇرعان اسكەري قاۋىپ- قاتەر استىندا ءومىر ءسۇرۋدى ۇيرەنۋگە» تۋرا كەلەدى. پرەزيدەنت ۋكراينانىڭ شىعىسىنداعى جانجال ەكىجاقتى سيپاتتان اسىپ، بۇكىل الەمدەگى جاعدايدىڭ تۇراقسىزدانۋىنا اسەر ەتىپ وتىرعانىن ايتتى.

ودەسسا قالاسىندا دا تاۋەلسىزدىك كۇنىنە ارنالعان ۋكراينانىڭ اسكەري- تەڭىز كۇشتەرىنىڭ پارادى ءوتىپ جاتىر.

بۇدان 23 - جىل بۇرىن، 1991 - جىلى 24 - تامىز كۇنى ۋكراينا س س ر جوعارى كەڭەسى ۋكراينانىڭ تاۋەلسىزدىگىن جاريالاعان زاڭ قابىلداعان بولاتىن.

«ازاتتىق» سايتى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى