شىڭ لۇڭ بالاسى ءۇشىن باسىن ءيىپ، كەشىرىم سۇرادى
«مەن بالامدى تاربيەلەيتىندەي كۇيدە ەمەسپىن، سول ءۇشىن دە كىنالىمىن. جاۋاپكەرشىلىگىن بىرگە ارقالاۋىم كەرەك. فاڭ زۇڭ مين ەكەۋىمىز بارلىعىڭىزدان كەشىرىم سۇرايمىز»، - دەدى شىڭ لۇڭ.
ونىڭ بۇل ءسوزى قىتايدىڭ الەۋمەتتىك جەلىلەرىندە شىقتى.
سونىمەن قاتار، شىڭ لۇڭ بالاسى تۋرالى جاعىمسىز جاڭالىقتى ەستىگەندە تۇسىنەي الماي دال بولعانىن، ال شەشەسىنىڭ جۇرەگى قارس ايىرىلعانىن ايتتى.
«بالامنىڭ باسىنداعى بۇل جاعداي بارلىق جاسوسپىرىمگە ساباق بولۋى ءتيىس»، - دەيدى اكتەر.
ەسكە سالا كەتەيىك، شىڭ لۇڭنىڭ 31 جاستاعى ۇلى فاڭ زۇڭ مين بەيجىڭدە تايۆاندىق اكتەر كاي كو ەكەۋى ەسىرتكىمەن ۇستالدى. ونىڭ پاتەرىن تەكسەرگەندە تاعى دا 100 گرام ماريحۋانا تابىلعان. ەندى ولار 3 جىلعا دەيىن باس بوستاندىعىنان ايىرىلۋى مۇمكىن.
