جەرلەستەرىمىز جەڭىلىپ قالدى

وسىلايشا قازاقستان قۇراما كومانداسى الەم كۋبوگىنىڭ ءۇشىنشى كۇنى ءۇشىنشى رەت جەڭىلىسكە ۇشىرادى.

ءبىرىنشى كەزەڭ باستالا سالىسىمەن بىردەن ويىن تىزگىنىن ءوز قولدارىنا العان حورۆاتتىقتار ايشىقتى ويىن ورنەگىن كورسەتە ءبىلدى. وتانداستارىمىز قانشا رەت شابۋىلداسا دا حورۆاتتىقتار قاقپاعا دوپ دارىتپادى. ەسەسىنە 3 گول سوعىپ، العا شىقتى. وسىلايشا ءبىرىنشى كەزەڭ 0:3 ەسەبىمەن اياقتالدى. ەكىنشى كەزەڭدە قازاقستاندىق ۆاتەرپولشىلار جانكۇيەرلەردىڭ قىزۋ قولداۋىمەن ءجيى-ءجيى العا ۇمتىلىپ، قارسىلاستار قاقپاسىنا ءۇش دوپ سوعىپ، جانكۇيەرلەرگە ءۇمىت وتىن سىيلادى. ءبىراق، وكىنىشكە قاراي ءوز قاقپالارىنا 2 دوپ جىبەرىپ الدى. ەسەپ 3:2. ءۇشىنشى كەزەڭ باستالا سالىسىمەن تاجىريبەلى حورۆاتتىقتار باتىل شابۋىلعا كوشىپ، اسقان سالقىنقاندىلىقپەن ويناپ، وڭتايلى ساتتەردى ءتيىمدى پايدالانا ءبىلدى.

وكىنىشكە قاراي، قازاقستان قۇراما كومانداسىنىڭ قورعاۋشىلارى بۇل جولى كوپ قاتەلىكتەرگە بوي الدىردى. ەسەپ 1:6. ءتورتىنشى كەزەڭدە سەرگەي دروزدوۆتىڭ شاكىرتتەرى قارسى شابۋىلعا كوشىپ، قالايدا ويىن تاعدىرىن ءوز پايدالارىنا شەشۋگە تىرىسقاندارىمەن، حورۆاتتاردان باسىم تۇسە المادى. كەزەڭ 3:3 ەسەبىمەن تەڭ اياقتالدى. ال قورىتىندى ەسەپ 7:14.

ەرتەڭ قازاقستاندىق ۆاتەرپولشىلار ءوز توبىندا سوڭعى ويىنىن سەربيا قۇراما كومانداسىمەن وتكىزەدى.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى