پاكىستان قازاقستان ەكونوميكاسىنىڭ مۇنايگاز سالاسىنا قارجى سالۋعا ءازىر

 بۇل تۋرالى Trend.az پاكىستاننىڭ قازاقستانداعى توتەنشە جانە وكىلەتتى ەلشىسى شاۋكات الي مۋكادامعا سىلتەمە جاساپ حابارلادى.

« ءبىز مۇناي جانە گاز، سونداي- اق مەتاللۋرگيا سالالارىنا ينۆەستيتسيالار سالۋعا ءازىرمىز. ەگەر ناقتى ايتاتىن بولساق، اڭگىمە ەكى كومپانيا جونىندە بولىپ وتىر. ولاردىڭ ءبىرى مۇناي وندىرەتىن بىرلەسكەن كاسىپورىن قۇرۋعا، ال ەكىنشىسى - وسى مۇنايدى ساتىپ الۋعا مۇددەلى. ءبىز مۇناي ءوندىرۋ كولەمى كۇنىنە 15 مىڭنان 50 مىڭ باررەلگە دەيىن جەتەتىن كاسىپورىندى ينۆەستيتسيالاۋعا ءازىرمىز. دەگەنمەن ينۆەستيتسيالار مولشەرى ناقتى قۋاتتارعا بايلانىستى» ، - دەدى ول.

ديپلومات سونداي- اق پاكىستان تاياۋداعى ءۇش جىلدىڭ ىشىندە قازاقستانمەن تاۋار اينالىمىن جىلىنا 100 ميلليون دوللارعا جەتكىزۋگە نيەتتى ەكەنىن جەتكىزدى.

 «تاياۋداعى ءۇش جىل ىشىندە تاۋار اينالىمىن جىلىنا 100 ميلليون دوللارعا دەيىن جەتكىزۋدى جوسپارلاپ وتىرمىز. بۇل سان - شەك ەمەس، ويتكەنى ەكى ەل اراسىندا ارىپتەستىكتى كەڭەيتۋدىڭ بارلىق مۇمكىندىكتەرى بار. قازاقستانعا كەلگەنگە دەيىن بىرنەشە جىل وڭتۇستىك كورەيادا ەلشى بولدىم، سول كەزدە ەكى ەل اراسىنداعى اينالىم 1,6 ميلليارد دوللاردى قۇرادى» ، - دەدى ەلشى.

ونىڭ ايتۋىنشا، تۇتاستاي العاندا، 2012 - جىلى قازاقستان مەن پاكىستان اراسىنداعى ساۋدا كولەمى 36 ميلليون دوللاردى قۇراعان، سونىڭ ىشىندە 21 ميلليون دوللارى - پاكىستاندىق ەكسپورتقا تيەسىلى، ال 15 ميلليون دوللارى - قازاقستاندىق ەكسپورت. 2013 -جىلى ەكى ەل اراسىنداعى تاۋار اينالىمى 22 پايىزعا ءوسىپ، 44,3 ميلليون دوللارعا جەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى