استانا مەكتەپتەرىندە كادر تاپشىلىعى سەزىلۋدە - ەلميرا سۋحانبەرديەۆا
«بۇگىندە استانالىق مەكتەپتەردە 200 گە جۋىق باستاۋىش سىنىپتاردىڭ مۇعالىمدەرى مەن ماتەماتيكا ءپانىنىڭ 50 دەن استام وقىتۋشىسى جەتىسپەيدى. سونىمەن قاتار 700 مۇعالىم زەينەتكەرلىك جاسقا جاقىندادى جانە 2016 - جىلعا دەيىن مەكتەپتەن كەتۋى مۇمكىن. كادرلار تاپشىلىعى 10 پايىزدان اسۋى ىقتيمال. بۇل ماسەلە الاڭداتىپ وتىر. وسى ورايدا ءتيىستى شەشىمدى بۇگىننەن باستاپ قابىلداۋ كەرەك» ، - دەدى ول.
ونىڭ پايىمىنشا، جاس مامانداردى مەكتەپكە جۇمىسقا تارتۋ بويىنشا شارالارمەن تىعىز اينالىسۋ قاجەت. ءبىرىنشى كەزەكتە كادرلاردى سىرتتان ىزدەمەي، قاتارداعى مامانداردىڭ بىلىكتىلىگىن جەتىلدىرىپ، تاربيەلەۋ قاجەت.
«مەكتەپكە دەيىنگى ءبىلىم بەرۋ سالاسىندا تاربيەشىلەردىڭ تاپشىلىعى وزەكتى بولىپ وتىر. بۇل نەگىزىنەن تاربيەشى كاتەگورياسى جوق جاس مامانداردىڭ كەلۋىنە بايلانىستى. مەكتەپكە دەيىن ۇيىمداردىڭ جالپى كولەمىندە مەكتەپكە دەيىنگى ارنايى جوعارى ءبىلىمى بار پەداگوگتاردىڭ ۇلەسى 6 پايىزدى قۇراپ وتىر» ، - دەدى ول.
ونىڭ سوزىنە قاراعاندا، استانادا جالعىز گۋمانيتارلىق كوللەدج عانا مەكتەپكە دەيىنگى ءبىلىم بويىنشا مامانداردى دايارلايدى. ولار جىلىنا ورتا بىلىممەن 50 دەن استام ماماندى وقىتىپ شىعارادى.
وسىعان بايلانىستى باسقارما باسشىسى ق ر ءبىلىم جانە عىلىم ءمينيسترى اسلان سارىنجىپوۆكە وسى ماماندىق بويىنشا ەلىمىزدىڭ تۇلەكتەرى ءۇشىن جۇمىس ورىندارىن ۇلەستەۋ (كۆوتالاۋ) مۇمكىندىگىن قاراستىرۋدى ۇسىندى.
2020 - جىلعا دەيىن ەلوردادا 100 بالاباقشا سالىنادى. بۇل ءوز كەزەگىندە وتباسىلاردى مەكتەپكە دەيىنگى مەكەمەلەردەگى ورىندارمەن قامتاماسىز ەتۋ ماسەلەسىن شەشۋگە ىقپال ەتەدى.
بۇگىن ەلورداداعى تامىز كەڭەسىندە استانا اكىمى يمانعالي تاسماعامبەتوۆ وسىلاي ءمالىم ەتتى.
«سونىمەن قاتار بالانى مەكتەپكە دەيىنگى تاربيەلەۋدىڭ ساپاسى ماسەلەسى اشىق كۇيىندە قالىپ وتىر. بۇل ءبىلىم بەرۋ ۇدەرىسىنىڭ وتە ماڭىزدى ءارى ۇلكەن بلوگى. سوندىقتان دا الداعى جىلى مۇعالىمدەردىڭ تامىز كونفەرەنتسياسى اياسىندا وسى تاقىرىپقا ارنايى كەڭەستى ارناۋدى ۇسىنامىن» ، - دەدى ي. تاسماعامبەتوۆ.
اكىمنىڭ ايتۋىنشا، بۇگىندە قالا بالاباقشالارىندا 33 مىڭنان استام بالا تاربيەلەنۋدە. ال كەزەكتە تاعى 40 مىڭنان استام ءبۇلدىرشىن تۇر.
اۆتور: رۋسلان عابباسوۆ
