استانا اكىمى قالا مەكتەپتەرىندە پسيحولوگيا ءپانىن جۇرگىزۋدى ۇسىندى
«مەن ق ر ءبىلىم جانە عىلىم مينيسترلىگىنە استانانىڭ كەيبىر مەكتەپتەرىندە ەكسپەريمەنتتىك نەگىزدە «پسيحولوگيا» ءپانىن ەنگىزۋ مۇمكىندىگىن قاراستىرۋدى ۇسىنامىن»، - دەدى قالا باسشىسى.
وسى ورايدا اكىم جاقىن ارادا پسيحولوگيانىڭ بازالىق كۋرستارىنىڭ ءبىرىڭعاي ادىستەمەسىن دايارلاۋ كەرەكتىگىن اتاپ ءوتتى. مۇنىمەن قوسا ي. تاسماعامبەتوۆ كۇردەلى دۇنيەتانىمدىق ماسەلەلەر بويىنشا جوعارى سىنىپ وقۋشىلارىمەن ساباقتان تىس پسيحولوگيالىق ترەنينگتەر ۇيىمداستىرۋدى ۇسىندى.
«بالا تاربيەسىندە قيىن پسيحولوگيالىق تالقىلاۋعا اتا-انالاردى ءوز ەركىمەن جۇمىلدىرۋدى قامتاماسىز ەتۋ كەرەك. سونىمەن قاتار وقۋ جىلى بارىسىندا مەكتەپ ديرەكتورلارىنا، ولاردىڭ تاربيە جۇمىسى بويىنشا ورىنباسارلارى ءۇشىن، سونداي-اق جوعارى سىنىپتاردىڭ جەتەكشىلەرىنە تانىمال پەداگوگ-پسيحولوگتاردىڭ قاتىسۋىمەن سەمينارلار مەن ترەنينگتەر وتكىزۋ ماڭىزدى»، - دەپ اتاپ ءوتتى اكىم.
بۇل تۇرعىدا قالا باسشىسى وسى تاقىرىپ بويىنشا ءبىلىم باسقارماسى مەن ءوزىنىڭ ورىنباسارىنا شارالار جوسپارىن بەكىتۋدى تاپسىردى.
