استانا اكىمى ەلوردالىق ۇستازداردىڭ كومپيۋتەرلىك ساۋاتسىزدىعىن سىنعا الدى
«قازىرگى كەزدە مەكتەپتەردەگى مۇعالىمدەردىڭ اقپاراتتىق-تەحنيكالىق ساۋاتتىلىعى ەڭ تومەنگى دەڭگەيدە ەكەنى قۇپيا ەمەس. ماسەلەن، «ۆەب-سايت»، «گيپەرتەكست»، «گيپەرسسىلكا»، «ۆيدەو كونفەرەنتسيا»، «تەگتەر بۇلتى»، «براۋزەر» سەكىلدى تەرميندەردىڭ ءوزى وقىتۋشىلار اراسىندا ۇرەي تۋدىرادى. سوندىقتان پايدالانۋشىلىق دەڭگەيدىڭ وزىندە وقىتۋشىلار تەحنيكالىق ساۋاتسىزدىقتارىن جويۋ تالپىنىسىنا قارسىلىق بىلدىرۋدە جانە بۇنىڭ ءمان-جايى تۇسىنىكتى»، - دەپ توقتالدى اكىم.
قالا باسشىسىنىڭ پايىمىنشا، مۇعالىمدەر مەكتەپ باسشىلىعى الدىندا تەحنيكالىق تۇرعىدان ساۋاتسىز كورىنۋگە، قىزمەتتىك جابدىقتاردى ءبۇلدىرىپ الۋعا، وقۋشىلار الدىندا بىلىكسىز كورىنۋگە قورقادى. سونىمەن قاتار اكىم وقىتۋشىلاردىڭ كوبىسى اعىلشىن ءتىلىن مەڭگەرمەگەنىن، سونداي-اق قاتىپ قالعان ەسكى ءارى ىڭعايلى جۇمىس ادىستەرىن وزگەرتكىلەرى كەلمەيتىندىگىن اتاپ ءوتتى.
ي. تاسماعامبەتوۆتىڭ سوزىنە قاراعاندا، 11 مىڭنان استام ەلوردالىق ۇستازداردىڭ تەك 12 پايىزى ينتەرنەتتى، ونىڭ ىشىندە ەلەكتروندىق ساندىق ادىستەمەلەردى ەركىن پايدالانا الادى. 16 پايىزى وقۋ ۇدەرىسىندە كومپيۋتەردى تولىق قولدانۋعا قاۋقارلى، ال 45 پايىزى كومپيۋتەرلىك ساۋاتتىلىقتىڭ ەڭ قاراپايىم دەڭگەيىن مەڭگەرگەن.
«وقىتۋشىلىق الەۋەتكە جوعارى تالاپ قويىلىپ وتىرعان استانا ءۇشىن بۇنداي جاعدايلار قابىلداۋعا كەلمەيدى. سوندىقتان دا جاڭا وقۋ جىلى بارىسىندا بارلىق مەكتەپتەردە ءبىز قالانىڭ بارلىق مۇعالىمدەرى ءۇشىن كومپيۋتەرلىك ساۋاتتىلىق دەڭگەيىن ارتتىرۋ بويىنشا كۋرستاردى ۇيىمداستىرامىز. ال وقۋ جىلىنىڭ اياعىندا كومپيۋتەرمەن جانە ينتەرنەتپەن جۇمىس بويىنشا بىلىكتىلىگىن تەكسەرۋ اياسىندا وقىتۋشىلاردى اتتەستاتتاۋدان وتكىزەمىز»، - دەدى اكىم.
وسى ورايدا ي. تاسماعامبەتوۆ ءبىلىم باسقارماسىنا اتالعان كۋرستاردى ۇيىمداستىرىپ، اتتەستاتسيا جۇرگىزۋدىڭ ەرەجەسىن ازىرلەپ، بەكىتۋدى تاپسىردى.
«بۇل وتە ماڭىزدى. سەبەبى، مەكتەپتەرگە سوڭعى بۋىنعا ارنالعان كومپيۋتەرلەر ساتىپ الىنادى. بۇعان ءتيستى قارجى دا قاراستىرىلعان»، - دەدى قالا باسشىسى.
اۆتور: رۋسلان عابباسوۆ
