شىمكەنتتە جاڭا اۋدان پايدا بولادى
دەپۋتاتتار الدىندا 2014- جىلدىڭ العاشقى جارتىجىلدىعىندا اتقارىلعان جۇمىستار تۋرالى بايانداما جاساعان ءوڭىر باسشىسى: «اعىمداعى جىلدىڭ التى ايىندا وبلىستاعى كاسىپورىنداردا 276 ميلليارد تەڭگەنىڭ ءونىمى وندىرىلگەن. جاڭا كاسىپورىنداردىڭ اشىلۋى جانە ءوندىرىستىڭ كەڭەيۋى ەسەبىنەن 5661 جۇمىس ورنى اشىلعان. يندۋستريالاندىرۋ باعدارلاماسى اياسىندا 2014- جىلى 41 جوبانى ىسكە قوسىپ، 3 مىڭ جاڭا جۇمىس ورنىن اشۋ جوسپارلانۋدا. بۇگىنگى تاڭدا قۇنى 5,4 ميلليارد تەڭگەنى قۇرايتىن 5 جوبا ىسكە قوسىلدى. بيىل يندۋستريالدىق ايماقتا 15 جوبانى ىسكە قوسۋ جوسپارلانعان. ارنايى ەكونوميكالىق ايماقتا 1 جوبا ىسكە قوسىلدى. 6 جوبانىڭ قۇرىلىسى جۇرگىزىلۋدە»، - دەپ اتاپ ءوتتى.
سونداي-اق «كاسىپكەرلەرگە قىزمەت كورسەتۋ ورتالىعى» 7439 كاسىپكەرگە كومەك كورسەتكەن. اعىمداعى جىلى تيپتىك جوبا بويىنشا بارلىق اۋدان، قالالاردا كاسىپكەرلىك مەكتەپتەردىڭ قۇرىلىسى باستالعان. «بيزنەستىڭ جول كارتاسى-2020» باعدارلاماسى اياسىندا 50,7 ميلليارد تەڭگەنىڭ 93 جوباسى ماقۇلداندى، 578 تۇراقتى جۇمىس ورنى اشىلدى.
التى ايدا وڭىرگە 147,4 ميلليارد تەڭگەنىڭ ينۆەستيتسياسى تارتىلعان. بۇل رەسپۋبليكاداعى جوعارى كورسەتكىشتىڭ ءبىرى. نەگىزگى ينۆەستيتسيالىق سالىمداردى شاعىن كاسىپورىندار جۇزەگە اسىرعان، ولاردىڭ كولەمى 68 ميلليارد تەڭگەنى قۇراپ، %40- عا ارتقان.
سونىمەن قاتار جيىن بارىسىندا وبلىس اكىمى ا. مىرزاحمەتوۆ شىمكەنت قالاسىن ءۇشىنشى قالاعا اينالدىرۋ ماقساتىندا ارنايى ءىس-شارالار جوسپارى قابىلدانعانىن جانە مەملەكەت باسشىسىنىڭ قولداۋىمەن شىمكەنتتە ءتورتىنشى اۋداننىڭ اشىلاتىنىن جەتكىزدى، دەپ حابارلايدى و ق و اكىمى اپپاراتىنىڭ باسپا ءسوز قىزمەتىنەن.
