پرەزيدەنت جەزقازعان ونەركاسىبىن قالپىنا كەلتىرۋدىڭ جاڭا باعدارلاماسىن ازىرلەۋدى تاپسىردى
بۇل تۋرالى مەملەكەت باسشىسى بۇگىن «جەزقازعان- بەينەۋ» جانە «ارقالىق- شۇباركول» ەكى جاڭا تەمىر جول تارماعىنىڭ اشىلۋ راسىمىندە مالىمدەدى.
«سوڭعى جىلدارى مىس كەنىنىڭ تاۋسىلۋىنا بايلانىستى ۇلكەن قيىندىقتارعا كەزدەستىك. جەزقازعان مىس بالقىتۋ كومبيناتىن توقتاتۋعا ءماجبۇر بولدىق. ۇكىمەتكە جەزقازعان ەكونوميكالىق ونەركاسىپتىك ءوڭىردى قالپىنا كەلتىرۋدىڭ جانە دامىتۋدىڭ ارنايى باعدارلاماسىن ازىرلەۋدى تاپسىردىم» ، دەدى ن. نازاربايەۆ.
ونىڭ ايتۋىنشا، «بۇرىنعىعا قاراعاندا كولەمى 20 ميلليون توننا باي كەن الۋ ءۇشىن جانە جەزقازعان مىس بالقىتۋ زاۋىتىن ىسكە قوسۋ ءۇشىن» كەن ماڭىندا ورنالاسقان كەنتتەردەن ادامداردى باسقا ورىندارعا كوشىرۋگە 240 ميلليون دوللار ءبولىندى.
