وزبەكستان مەن قىتاي بىرنەشە كەلىسىم جاساستى

 كاريموۆ 19 - تامىز كۇنى بەيجىڭدە قىتاي پرەزيدەنتى شي جينپيڭمەن كەزدەسىپ، ەكى ەل قارىم- قاتىناسىن دامىتۋدىڭ بەس جىلعا ارنالعان جوسپارىنا جانە بىرلەسكەن دەكلاراتسياعا قول قويدى.

پرەزيدەنتتەر بۇعان قوسا تەحنولوگيالىق جانە ەكونوميكالىق ىنتىماقتاستىقتى ارتتىرۋعا باعىتتالعان بىرنەشە قۇجاتقا، 6 ميلليارد ا ق ش دوللارىنا تەڭ ەنەرگەتيكا، تەحنولوگيا، بانك جانە قارجى سەكتورىنا قاتىستى كەلىسىمدەرگە قول قويۋ راسىمىنە قاتسقان. قىتايدىڭ Xinhua اگەنتتىگىنىڭ حابارلاۋىنشا، يسلام كاريموۆ پەن شي جينپيڭ قىتايدى ورتالىق ازيا مەملەكەتتەرىمەن جالعايتىن گاز قۇبىرى قۇرىلىسىنا ەرەكشە كوڭىل بولۋگە كەلىسكەن.

كاريموۆ قىتاي پرەزيدەنتىمەن سوڭعى رەت مامىر ايىندا شاڭحايدا وتكەن سامميتتە كەزدەسكەن.

رەسەيدىڭ «ينتەرفاكس» اگەنتتىگىنىڭ اقپاراتى بويىنشا، وزبەكستان مەن قىتايدىڭ ساۋدا اينالىمى 2013 - جىلى 5.2 ميلليارد، ال 2014 -جىلدىڭ العاشقى التى ايىندا 2.6 ميلليارد ا ق ش دوللارىن قۇراعان.

«ازاتتىق»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى