ق ر پرەزيدەنتى پايدالانىلماعان جەردى اگرارشىلارعا بەرۋ ماسەلەلەرىنە ەرەكشە دەن قويدى

ەلباسى ا. مۇساحانوۆقا اتقارعان جۇمىسى ءۇشىن العىس ايتتى، وعان دەنساۋلىق، مول تابىس تىلەدى.

نۇرسۇلتان نازاربايەۆ ا. باتالوۆتىڭ وبلىستا ۇزاق ۋاقىت جۇمىس ىستەگەنىن، ءوڭىر ەرەكشەلىگىن جاقسى بىلەتىنىن ايتىپ ءوتتى.

«وبلىستىڭ ودان ءارى دامۋى ءۇشىن جۇمىستى جالعاستىرۋ قاجەت» ، - دەدى قازاقستان پرەزيدەنتى.

ەلباسى جاڭا باسشىعا ءبىرقاتار ناقتى تاپسىرمالار جۇكتەدى. اتاپ ايتقاندا، ول ءار اۋدان ءوز ۇلەسىن قوسۋى ءۇشىن ءوڭىردى تەڭ دامىتۋعا قول جەتكىزۋى قاجەت.

«ەگەر وبلىستىڭ بارلىق اۋداندارى تەڭ دارەجەدە سەرپىندى دامىماسا، وبلىس ءوندىرىسىنىڭ جالپى تومەندەۋىنە سوقتىرادى. ايماق دوتاتسيالىق بولىپ تابىلادى، سوندىقتان قولداۋ دەڭگەيىن بىرتىندەپ ازايتىپ، بيۋدجەتتى تولتىرۋ كوزدەرىن ءوز بەتىنشە تابۋى ءتيىس» ، - دەدى نۇرسۇلتان نازاربايەۆ.

قازاقستان پرەزيدەنتى پايدالانىلماعان جەردى اگرارشىلارعا بەرۋ ماسەلەلەرىنە باسا دەن قويىپ، اۋىل شارۋاشىلىعى سالاسىندا جۇيەلى جۇمىستار جۇرگىزۋ ماڭىزدىلىعىنا توقتالدى.

 «وڭىردە جارتى ميلليون گەكتارعا جۋىق سۋارمالى جەر بار، بۇل قازاقستاننىڭ بارلىق سۋارمالى الاڭدارىنىڭ 45 پايىزىن قۇرايدى. بۇل ۋچاسكەلەردە بۇرىنعىدان 10-12 ەسە جوعارى ءونىم جيناۋعا بولادى، ال سەندەر بولساڭدار نەبارى 2,5 ەسەگە عانا ۇلعايتاسىڭدار. سونداي- اق سۋ رەسۋرستارىن ءتيىمسىز پايدالانۋ ماسەلەلەرى دە بار» ، - دەدى مەملەكەت باسشىسى.

 بۇدان باسقا، نۇرسۇلتان نازاربايەۆ ەلدى مەكەندەردى سۋمەن جابدىقتاۋ، مەكتەپكە دەيىنگى مەكەمەمەن قامتۋ، تۋريزمدى دامىتۋ سياقتى باعىتتار بويىنشا جۇمىستى كۇشەيتۋدى تاپسىردى.

 ءسوز سوڭىندا قازاقستان پرەزيدەنتى وڭىرلەر ءۇشىن نەگىزگى مىندەت ەلدىڭ تۇراقتىلىعى، الەۋمەتتىك- ەكونوميكالىق دامۋى جانە حالىقتىڭ ءال- اۋقاتىن ارتتىرۋ بولىپ تابىلاتىنىن باسا ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى