ەسىل جاعاسىنان ورتا عاسىرلاردىڭ قونىسى تابىلدى
«اقمولا وبلىستىق مادەنيەت باسقارماسى جانىنداعى «تاريحي- مادەني مۇرالاردى قورعاۋ جانە پايدالانۋ ورتالىعى» ك م م ەسىل اۋدانى اۋماعىندا بارلاۋ جۇمىستارىن جۇرگىزدى. بارلاۋ بارىسىندا ايماقتىڭ سولتۇستىك-شىعىس جانە وڭتۇستىك-شىعىس بولىكتەرى زەرتتەلدى. زەرتتەۋدىڭ ءبىر ەرەكشەلىگى - كۋرسكوە مەكەنىنەن ەكى تاس ديىرمەن مەن كەلى قالدىقتارىنىڭ تابىلۋى»، - دەلىنگەن تاراتىلعان حابارلامادا.
ەسىلدىڭ وڭ جاعالاۋىنداعى ەجەلگى قونىستىڭ جالپى اۋدانى - 45 مىڭ شارشى مەتر. تومپەشىكتەردىڭ ءبىرىن زەرتتەپ قاراعان كەزدە اۋدارىلعان ەكى دوڭگەلەك ءپىشىندى تاس ديسكى تابىلعان. «ماتەريالدار قونىستىڭ شەت جاعىنان تابىلدى، ولار ديىرمەنگە ۇقسايدى. ەجەلگى ديىرمەندەر تىڭ جانە تىڭايعان جەرلەردى يگەرۋ كەزەڭىندە تالقاندالىپ، بۇزىلعان سياقتى»، - دەيدى باسقارما ماماندارى.
مۇنداي تۇجىرىم جاساۋعا ارتەفاكتىلەردىڭ ءبىرىنىڭ جانىنا سوقانىڭ ءىزى تۇسكەنى، سونىڭ سالدارىنان زاقىمدالعانى دالەل بولا الادى. «دوڭگەلەك ءپىشىندى ديىرمەن تاستارى قارا جانە اقشىل گرانيتتەن سوعىلعان. جادىگەرلەر شامامەن ورتا عاسىرلارعا جاتادى. تابىلعان جادىگەرلەردىڭ ەرەكشەلىگى - بۇل اۋماقتا بۇرىن- سوڭدى مۇنداي زاتتاردىڭ تابىلماعاندىعىندا»، - دەلىنگەن حابارلامادا.
