مىڭ اسقانعا - ءبىر توسقان
قاۋىپسىزدىك كەڭەسى جۇما كۇنى ءبىراۋىزدان قابىلداعان رەزوليۋتسيادا لاڭكەستىك توپتارعا كۇش جيناستىرىپ نەمەسە سولارعا قارجىلاي قولداۋ كورسەتەتىن، سونداي- اق وسى توپتاردىڭ قاتارىندا سوعىساتىن ادامدارعا قارسى سانكتسيا سالۋدى قۋاتتاعان ەدى. شەتەلدىك ب ا ق دەرەككوزىنە سۇيەنسەك، وسىعان دەيىن اۋزىن ايعا بىلەگەن «يشير» لاڭكەستىك توبىنىڭ جەتەكشىسى ءابۋ- باكىر ءال- باعداديدىڭ وسى تاكفيرلىك توپتىڭ جوعارى شەندىلەرى تيەلگەن 50 كولىكپەن راۆە ايماعىنا بارىپ، سول وبلىستاعى باسقا دا لاڭكەستىك جەتەكشىلەرمەن كەزدەسىپ، سيريا مەن يراكتىڭ شەكاراسىنداعى ار- راقە وبلىسىنا قاراي قاشقانىن ايتقان. مۇنى يراكتىڭ سولتۇستىگىندەگى موسۋل اقساقالدارى ءماجىلىسىنىڭ مۇشەسى (نەيناۆا وبلىسى اقساقالدارىنىڭ كەڭەسى) شەيح سابان ءال- حاسان دا قۋاتتايدى. ول وسى قالاداعى "يشير" توبىنىڭ 451 سودىرىنىڭ سيريا شەكارالارىنا قاراي قاشقانىن ايتقان. ايتا كەتۋ كەرەك، ولاردىڭ بۇلاي ەتۋىنە يراك اسكەري كۇشتەرى مەن "پيشمارگە" كۇشتەرىنىڭ بىرىگۋى دە سەبەپ بولعان.
ەسكەرتەيىك، قانشاما ادامنىڭ قانىن موينىنا جۇكتەگەن "يشير" توبى - بىرنەشە بەلدى مەملەكەتتەردەن قولداۋ تاپقانى بەلگىلى بولدى. ولاردىڭ اراسىندا كەشە عانا گازا سەكتورىنان جەڭىلىس تاپقانىن مويىنداعان يزرايل دە بار. ەگەر ب ۇ ۇ وسى باعىتىنان تانباسا، "يشير" سەكىلدى ساياسي قۇرالدىڭ تاريح ساحناسىنان ماڭگىگە جوعالۋى دا مۇمكىن.
