ياھۋديلەر جاپپاي يسلام ءدىنىن قابىلداپ جاتىر

 توي كەلىندى ريشون رەسيون اۋدانىنداعى ۇيىنەن ۇزاتۋدان باستالعان. ۇزاتۋ تويىنا شاقىرىلعان 800 گە جۋىق قوناقتىڭ قاتىسۋىمەن كۇيەۋ جىگىتتىڭ يافا قالاسىنداعى ۇيىنە دەيىن «توي شەرۋى» ۇيىمداستىرىلعان، دەپ حابارلايدى Islam.kz.

الايدا، كۇيەۋ جىگىتتىڭ ۇيىنە جاقىنداپ قالعاندا الدارىنان مورالدىڭ مۇسىلماندىقتى قابىلداۋىنا قارسى يزرايلدىك ەرەۋىلشىلەر قارسى العان. قايتا كۇيەۋ جىگىتتىڭ شەشەسى فيەۆدا مانسۇر تويدان بۇرىن ءيزرايلدىڭ ءبىر باسىلىمىنا مالىمدەمە جاساپ، كەلىندى ۇزاتۋ كەزىندە مۇسىلمانداردى قولداۋعا شاقىرعان ەكەن. سول حاباردى ەستىپ تويعا كەلگەن 800 گە جۋىق قوناق ەرەۋىلشىلەردىڭ جامان پيعىلدارىن جۇزەگە اسىرۋعا جول بەرمەگەن. الايدا، كەلىنى ەرەۋىلشىلەردەن نەبىر اۋىر سوزدەر ەستىگەن.

الدا ەندى كۇيەۋ جاقتىڭ ۇيىمداستىراتىن نەگىزگى تويى بار. ول تويدا دا مۇنداي وقيعالار بولماس ءۇشىن جاس جۇبايلار سوتقا شاعىم ايتا بارىپتى. ياعني، سيونيستەردىڭ LEHAVA ۇيىمى مۇشەلەرىنىڭ تاعى دا ەرەۋىلگە شىعۋلارىنا تىيىم سالۋلارىن وتىنگەن. يزرايل سوتى جاس جۇبايلاردىڭ وتىنىشتەرىن تولىقتاي ورىنداماسا دا، نارازى توپتىڭ ەرەۋىلدى توي الاڭىنان 200 مەتر الىستا ۇيىمداستىرۋىنا شەشىم شىعارعان.

مىنە، مۇسىلماندىقتى قابىلداعانداردىڭ يزرايلدە كورگەن كۇندەرى وسىنداي. ءبىراق سوعان قاراماستان يزرايلدە يسلامدى قابىلداپ جاتقانداردىڭ سانى ازاياتىن ەمەس. ورتالىعى تەل- اۆيۆتە ورنالاسقان مااريۆ گازەتى ءيزرايلدىڭ ىشكى ىستەر مينيسترلىگىنىڭ ستاتيستيكالىق مالىمەتتەرىن جاريالاپتى. ونداعى مالىمەتكە سۇيەنسەك، يزرايلدە سوڭعى ون جىلدا جۇزدەگەن ياھۋدي مۇسىلماندىقتى، ال ونداعان ياھۋدي حريستياندىقتى قابىلداعان. 2000 -جىلدان بەرى جىل سايىن 100 گە جۋىق ياھۋدي جەكە كۋالىگىن مۇسىلمان دەپ اۋىستىرۋىنا ءوتىنىش بەرەدى ەكەن. 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى