ءازىربايجان «قىزى» ليتۆا جىگىتتەرىن ەسىنەن تاندىرىپ ءجۇر - فوتو
Facebook-تەن ۆيلنيۋس تۇنگى كلۋبتارىنىڭ بىرىندە تۇسىرىلگەن فوتوسۋرەتتەردى كورۋگە بولادى. ولاردا ادەمى قىز بەينەلەنگەن. بۇل سۋرەتتەر ليتۆادا قىزۋ تالقىلانىپ جاتىر.
شىندىعىندا، فوتوسۋرەتتەر قىزدىكى ەمەس، 20 جاستاعى جىگىت - ءازىربايجاندىق راۋل مامەدليدىكى. ول ءۇش جىلدان بەرى ليتۆادا تۇرادى. راۋلدىڭ ايتۋىنشا، ونىڭ جىگىت ەكەنىن كوپشىلىك بىلە بەرمەيدى. «بالكىم، سىزدەر بۇل قىزدىڭ اتىن بىلەتىن بولارسىزدار؟ كەشە مەن ونىمەن ۋاقىتتى جاقسى وتكىزدىم، ءبىراق ول ءوز ەسىمىن ايتپادى، بايلانىس نومىرلەرىن بەرمەدى. مەن ونى ءسۇيىپ العىم كەلدى»، - دەپ جازدى فوتونىڭ استىنا ليتۆالىق جىگىتتەردىڭ ءبىرى. قولدانۋشىلاردىڭ ءبىرى وعان سۋرەتتەگى قىز ەمەس، جىگىت ەكەنىن ايتىپ، پىكىر قالدىردى.
مامەدلي فوتوسۋرەتتەردىڭ جاڭا جىل كەشىندە تۇسىرىلگەنىن، ول كەزدە جىگىتتەردىڭ نازارىن وزىنە اۋدارا بىلگەنىن ايتتى. «فوتونىڭ استىنا پىكىر قالدىرعان جىگىتتىڭ كىم ەكەنىن بىلمەيمىن. سول كەشتە مەنىمەن سۋرەتكە تۇسكىسى كەلگەندەر كوپ بولدى. مەنى تەلەديداردان دا كورسەتتى. جىگىتتەردىڭ ءبىرى ماعان جاقىنداپ كەلىپ، قىز بولماعانىما وكىنەتىنىن ايتتى. ال جىگىت ەكەنىمدى بىلمەگەندەر تەلەفون ءنومىرىمدى سۇراپ جاتتى»، - دەيدى راۋل.
راۋل وزىنە قىزداردىڭ دا، جىگىتتەردىڭ دە ۇنايتىنىن ايتتى. «مەن ءبىر قىزبەن دوس بولدىم، ءبىراق ودان گورى نازىك ەدىم. بۇل وعان ۇنامادى. سوندىقتان جاراسپادىق»، - دەيدى جىگىت.
راۋل شاشتاراز-ستيليست بولىپ جۇمىس ىستەيدى.
«مەن وزىمە جۇرتتىڭ نازارىن اۋدارۋ ءۇشىن قىز بولىپ كيىنەمىن. ول مەنىڭ جۇمىسىما اسا قاجەت. جۇمىستى جاقسى ىستەسەم دە، كوپشىلىك جۇمىسىمدى ەمەس، ءوزىمنىڭ كەلبەتىمدى ماقتاپ جاتادى. كليەنتتەرىم مەرەكە الدىندا ماعان ءتۇرلى سىيلىق اكەلەدى، مەنى جاقسى كورەدى»، - دەيدى راۋل. ءازىربايجاندىق كەلەشەكتە جىنىس اۋىستىرۋى مۇمكىن ەكەنىن جوققا شىعارمادى.
Tengrinews.kz
