قازاق ونەرىنىڭ ساڭلاقتارى: ءشامىل ابىلتايەۆ
1948 - جىلى اتىراۋ وبلىسىندا تۋعان. قۇرمانعازى اتىنداعى الماتى مەملەكەتتىك كونسەرۆاتورياسىن (ق. جانتىلەۋوۆ پەن ك. مۇحيتوۆتىڭ دومبىرا كلاسىن) بىتىرگەن.
ابىلتايەۆ دومبىرادا ءتورت جاسىنان باستاپ، ويناپ كەلەدى. ءبىرىنشى ۇستازى - اكەسى بولعان. ءابىتاۆقا دومبىراشى رەتىندە قالىپتاسۋىنا كوشەلى، كامەش، سەركەباي سياقتى بەلگىلى كۇيشىلەر ۇلكەن ىقپال ەتكەن.
ول قۇرمانعازى، دينا، ابىل، مامەن كۇيلەرىن ساۋاتتى ورىندايدى. سوڭعى جىلدارىرى كومپوزيتور رەتىندە دە تانىلا باستادى. ول - قازاقستاندىقتارعا جاقسى تانىمال كۇيلەر مەن اندەردىڭ اۆتورى.
1972 - 75 - جىلدارى قازاق مەملەكەتتىك فيلارمونياسىندا كۇيشى- لەكتور رەتىندە قىزمەت ىستەدى. 1975 - 85 - جىلدارى ەركىن شىعارماشىلىق ەڭبەكپەن اينالىسادى جانە قازاق راديوسىنىڭ باس رەداكتورى (1985 - 88 - جىلدارى) ، ال 1994 - جىلدان حالىقارالىق. قۇرمانعازى قورىنىڭ ءتوراعاسى بولعان. " ۇلىتاۋ" اتتى كۇي- كىتابى مەن "ورداباسى" دەيتىن كۇيتاباعى شىقتى. قازاق تەليەۆيزياسى بويىنشا "ۇكىلى دومبىرا"، "دومبىرا داستان" باعدارلامالارىن جۇرگىزدى. ابىلتايەۆ - "دومالاق انا"، "شاقشاق جانىبەك"، "بەكەت- اتا"، "قىدىر كەزگەن قىزىلقۇم"، "ەلباسى" كۇيلەرىنىڭ، "قوجا احمەت ياساۋي"، "جەر ۇرانى - ۇلىتاۋ"، "ورداباسى"، "قۇرمانعازى - كۇي ءدۇلدۇل"، "مۇستافا شوقاي تۋرالى تولعاۋ"، "تۇركىستان" مۋزىكالىق- تولعاۋلارىنىڭ اۆتورى.
قازاقستان لەنينكومسومولى سىيلىعىنىڭ لاۋرەاتى (1980 - جىلى) . 1994 - جىلى ءىزمير قالاسىندا (تۇركيا) وتكەن تۇرىك حالىقتارىنىڭ دۇنيەجۇزىلىك قۇرىلتايىندا وزان(جىرشى) اتاعىن العان. «جاستار وداعى» سىيلىعىنىڭ يەگەرى (1980) . 1994 - جىلى تۇركيانىڭ يزمير قالاسىندا وتكەن تۇرىك حالىقتارىنىڭ دۇنيەجۇزىلىك قۇرىلتايىندا وزان ( جىرشى- جارشى) اتاعىن العان. ءابىلتايدىڭ كومپوزيتورلىق شىعارمالارى نەگىزىنەن تاريح تاعىلىمىنا باسا نازار اۋدارۋمەن ءارى ونى قازاق ەلىنىڭ تاۋەلسىزدىگىمەن ۇشتاستىرۋ بولىپ تابىلادى. ءابىلتاي وعىلاندىداعى اۋليە كۇمبەزىندە تۇنەگەندە «بەكەت اتا» كۇيىن شىعارعان.
