ق ر مادەنيەت جانە سپورت ءمينيسترى باۋىرجان جاۋىنتايەۆتى وليمپيادا ويىندارىنداعى جەڭىسىمەن قۇتتىقتادى
بۇل تۋرالى ق ر مادەنيەت جانە سپورت مينيسترلىگىنىڭ رەسمي سايتىندا حابارلانعان.
قۇتتىقتاۋ جەدەلحاتىندا: «قىمباتتى باۋىرجان! سەنى جاسوسپىرىمدەر اراسىنداعى II وليمپيادا ويىندارىنداعى جەڭىسىڭمەن شىن جۇرەكتەن قۇتتىقتايمىن! سەن جاسوسپىرىمدەر اراسىنداعى II وليمپيادا ويىندارىندا ءبىزدىڭ قۇراما كومانداعا العاشقى التىن مەدالدى اكەلدىڭ. بۇل جەتىستىك ەلىمىزدىڭ ميلليونداعان ازاماتتارى مەن ءبىزدىڭ جاستار كومانداسىنا سەنگەن، ءۇمىت ارتقان جاندار ءۇشىن قۋانىشتى وقيعا بولدى.
شيەلەنىسكەن تارتىستى باسەكەگە قاراماستان، سەن ناعىز سپورتشىعا ءتان قايسارلىق پەن شەبەرلىك تانىتا ءبىلدىڭ. ەگەمەن ەلىمىز ءۇشىن، تاۋەلسىز قازاقستاننىڭ جاس ۇرپاعى ءۇشىن بويىمىزدى شەكسىز ماقتانىش سەزىمى كەرنەيدى. بۇل نانكيندەگى قازاقستاندىق سپورتشىلاردىڭ جارقىن جەڭىستەرىنىڭ باستاۋى دەپ بىلەمىن. ءبىزدىڭ سپورتشىلارىمىزدىڭ شىعار بيىگى ءالى الدا، ولار وليمپيادا ەستافەتاسىن ءساتتى اياقتايدى دەپ سەنەمىن. ءبىزدىڭ جاتتىقتىرۋشىلاردى دا سپورتتاعى ۇلكەن جەتىستىكتەرىمەن قۇتتىقتايمىن. قازاقستانداعى جاستار سپورتىن دامىتۋعا قوسقان ەڭبەكتەرىڭىزدى جوعارى باعالايمىز»، - دەلىنگەن.
