اۋە قورعانىسى كۇشتەرى كاسىبي مەرەكەسىن اتاپ ءوتتى - فوتو
اۋە قورعانىسى كۇشتەرى مەملەكەت باسشىسىنىڭ 1997 - جىلعى 17 - قاراشاداعى جارلىعىمەن قۇرىلعان.
اۋە قورعانىسى كۇشتەرىنىڭ الدىنا ەلىمىزدىڭ اۋە شەكاراسىن قورعاۋ، مەملەكەتتىك، اكىمشىلىك جانە اسكەري نىسانداردى اۋە شابۋىلىنا قارسى قورعاۋ، سونداي- اق ق ر قارۋلى كۇشتەرىنىڭ باسقا تۇرلەرى مەن تەكتەرىن اۆياتسيالىق قولداۋ جونىندەگى جاۋىنگەرلىك مىندەتتەردى ورىنداۋ مىندەتتەرى قويىلعان.
اۋە قورعانىسى كۇشتەرىنىڭ قۇرامىنا اسكەري- اۋە كۇشتەرى مەن اۋە شابۋىلىنا قارسى قورعانىس اسكەرلەرى جانە اۋە قوزعالىسىن باسقارۋ ورگاندارى كىرەدى.
اۋە قورعانىسى كۇشتەرىن قۇرۋ جاۋىنگەرلىك ازىرلىك ماسەلەلەرىندە، ەڭ الدىمەن ونىڭ تەحنيكالىق قۇراۋشىسى مەن جاۋىنگەرلىك دايارلىعىندا العا قادام جاساۋعا مۇمكىندىك بەردى.
بۇگىنگى تاڭدا اۋە قورعانىسى كۇشتەرىندە جوسپارلى تۇردە جاۋىنگەرلىك ەسەپتوپتاردى ۇيلەستىرۋ، بارلىق ۇشۋ قۇرامىنىڭ سىنىپتىق بىلىكتىلىگىن ارتتىرۋ، جوعارى پيلوتاج ونەرىن مەڭگەرۋ، شىنايى ۇرىس جاعدايىندا اۆياتسيا جانە زەنيتتىك- زىمىران كەشەندەرىن قولدانا بىلۋگە دايارلاۋ جونىندەگى قارقىندى جۇمىس جۇرگىزىلۋدە.
ق ر ق ك ا ق ك اسكەري- اۋە كۇشتەرى قازىرگى زامانعى م ي گ-31, س ۋ-27, «س-295» ۇشاقتارىمەن، مي-24 جاۋىنگەرلىك تىكۇشاقتارىمەن، مي-8, مي-17، مي-26 اسكەري- كولىكتىك ۇشاقتارىمەن جانە «ەۆروكوپتەر ە س-145» ، «حيۋي-2» ۇشاقتارىمەن قارۋلانعان.
اۋە شابۋىلىنا قارسى قورعانىس كۇشتەرى قۋاتتى ءارى زاماناۋي زەنيتتىك- زىمىران كەشەندەرىمەن جاراقتالعان.
بۇگىنگى تاڭدا اۋە قورعانىسى كۇشتەرى قارۋلى كۇشتەرىمىزدىڭ ەڭ ۇتقىر جانە تەحنيكالىق جاعىنان جاراقتالعان ءتۇرى بولىپ تابىلادى. ونىڭ كۇندەلىكتى تىنىس- تىرشىلىگى جاۋىنگەرلىك جاتتىعۋلارمەن، اۆياتسيانىڭ ۇشۋلارىمەن جانە زەنيتتىك- زىمىران اسكرلەرىنىڭ جاۋىنگەرلىك اتىستارىمەن، مەملەكەتىمىزدىڭ اۋە كەڭىستىگىن كۇزەتۋ جونىندەگى جاۋىنگەرلىك كەزەكشىلىكپەن تولىققان.
اۋە قورعانىسى كۇشتەرىنىڭ جاۋىنگەرلەرى وزدەرىنىڭ قول جەتكىزگەن تابىستارىمەن ەلىمىزدىڭ قورعانىس قابىلەتىن نىعايتۋعا لايىقتى ۇلەس قوسىپ كەلەدى جانە ولار ەلىمىزدىڭ ەگەمەندىگى مەن اۋماقتىق تۇتاستىعىنىڭ سەنىمدى قورعانىسىندا تۇر.
