قازاقستاندىقتارعا دەنساۋلىقتىڭ ەلەكتروندى پاسپورتى بەرىلەدى

دەپ حابارلادى ق ر پرەزيدەنتىنىڭ ءىس باسقارماسى باسپا ءسوز قىزمەتى.

شارا ۇستىندە قازاقستان رەسپۋبليكاسىنىڭ 2013-2020 - جىلدارعا ارنالعان ەلەكتروندىق دەنساۋلىق ساقتاۋ تۇجىرىمداماسىن ىسكە اسىرۋ شەڭبەرىندە رەسپۋبليكادا ەلەكتروندىق دەنساۋلىق ساقتاۋدىڭ ءبىرىڭعاي جۇيەسىنىڭ قۇرىلۋى ماسەلەلەرى تالقىلاندى.

ق ر دەنساۋلىق ساقتاۋ جانە الەۋمەتتىك دامۋ مينيسترلىگى (د س ا د م) ەلەكتروندىق دەنساۋلىق ساقتاۋدى دامىتۋ دەپارتامەنتىنىڭ ديرەكتورى سۆەتلانا شۋبينا قاتىسۋشىلاردى ەلەكتروندىق دەنساۋلىق ساقتاۋ جۇيەسىنىڭ قۇرىلۋى بويىنشا نەگىزگى ناتيجەلەرىمەن مالىمدەدى.

سونىمەن، ونىڭ ايتۋىنشا، قازىرگى تاڭدا ەلەكتروندىق دەنساۋلىق ساقتاۋدىڭ ساياساتىن بەلگىلەيتىن، قاجەتتى نورماتيۆتىك قۇجاتتىق اكتىلەردى ازىرلەۋدى جانە ەنگىزۋدى، مەملەكەت ىشىندە مەديتسينالىق اقپاراتتاردى الماسۋ مەن ىقپالداستىرۋعا جاۋاپ بەرەتىن ورتالىقتاندىرىلعان سەرۆيستەردى، قىزمەتتەر مەن جۇيەلەردى جاساۋدى جانە پايدالانۋدى قامتاماسىز ەتەتىن ينستيتۋتسيونالدىق قۇرىلىمدار قۇرىلدى. ورتاق پلاتفورمانىڭ قۇرىلۋى 2015 -جىلدا اياقتالادى.

ءد س ا د م- نىڭ وكىلى ءوز بايانداماسىندا ەلەكتروندىق دەنساۋلىق پاسپورتتارىنا ەرەكشە كوڭىل ءبولدى.

«ەلەكتروندىق دەنساۋلىق ساقتاۋدىڭ ورتالىق ەلەمەنتى ءبىزدىڭ مەملەكەتتىڭ ءار ازاماتىنىڭ ەلەكتروندىق دەنساۋلىق پاسپورتى بولادى. ول ادام دەنساۋلىعى، بۇرىنعى جانە قازىرگى اۋرۋلار، سونىمەن قاتار اللەرگولوگيالىق جانە يمۋندىق احۋالى تۋرالى باستى جيىنتىق مالىمەتتەردى قامتاماسىز ەتەتىن قۇرالى بولىپ تابىلادى.. . 2016 - جىلى ەلەكتروندىق دەنساۋلىق پاسپورتتارىن ق ر مەديتسينالىق ۇيىمدارىندا ەنگىزىلۋى جوسپارلانعان» ، - دەدى س. شۋبينا.

سونىمەن بىرگە، «اقپارات پاتسيەنت ارتىنان جولدانادى» پرينتسيپى ىسكە اسىرىلادى مالىمدەدى ول. بۇل مەديتسينالىق قىزمەتكەرلەر اراسىنداعى قارىم قاتىناستى پاتسيەنتكە كومەك كورسەتۋ، ۋاقىت پەن ورىنعا بايلانىسسىز وتكىزىلگەن دياگنوستيكالىق جانە ەمدەۋ ءىس- شارالار تۋرالى اقپاراتتى الۋعا جانە قولدانۋدى جەڭىلدەتەدى.

ەلەكتروندىق پاسپورت نەگىزىندە پاتسيەنت ءوز دەنساۋلىعى، دارىگەرگە بارۋ تۋرالى ەسكەرتۋ حات، سكرينينگ نەمەسە پروفيلاكتيكالىق بايقاۋدان ءوتۋ تۋرالى اقپاراتتى الۋ ءۇشىن جەكە كابينەتىنىڭ جاسالۋى جوسپارلانعان.

سونىمەن قاتار، قازاقستان رەسپۋبليكاسى پرەزيدەنتىنىڭ ءىس باسقارماسى مەديتسينالىق ورتالىعى 2010 - جىلى باعىنىستى ۇيىمدارىندا مەديتسينالىق اقپاراتتىق جۇيەلەردى ەنگىزىلۋى باستالدى.

مەديتسينالىق اقپاراتتىق جۇيەلەردىڭ ەنگىزىلۋى اۋرۋحانانىڭ مەنەدجمەنتىڭ جەتىلدىرۋدەگى اسەرى تۋرالى قازاقستان رەسپۋبليكاسى پرەزيدەنتىنىڭ ءىس باسقارماسى مەديتسينالىق ورتالىعىنىڭ باس دارىگەرى ءامىر احمەتوۆ مالىمدەدى.

قازىرگى تاڭدا اۋرۋحانادا مەديتسينالىق - تەحنولوگيالىق ۇدەرىستەردى سۇيەمەلدەۋ بويىنشا اقپاراتتىق- تالدامالىق كەزەڭى ىسكە اسىرىلدى.

جۇيە ۇيلەسىمدى جانە ىقپالداستىرىلعان فۋنكتسيونالدىق- كەڭەيتىلگەن مودۋلدەر كەشەنى بولىپ تابىلادى. ول قاۋىپ- قاتەرلەردى، شىعىنداردى جانە جۇمسالعان ەڭبەكتى ازايتادى.

«ا ج پايدالانۋى پاتسيەنتتىڭ دەرەكتەرىن ءتۇرلى ماماندار اراسىندا قاعاز اناليزدەرىن جىبەرۋسىز ورتالىقتاندىرىلعان تۇردە ساقتاۋعا مۇمكىندىك بەرەدى، سونىمەن قاتار، بۇل ەمحانالىق كارتادان نەمەسە اۋرۋ تاريحىنان اقپاراتتى قاراۋعا مۇمكىندىك بەردى» ، - دەدى ءا. احمەتوۆ.

قازىرگى تاڭدا اۋرۋحانانىڭ ك م ا ج- عا 500 دەن استام اۆتوماتتاندىرىلعان جۇمىس ورىندار قوسىلدى. جۇيەدە 215 دارىگەر، 297 مەدبيكە جۇمىس جاسايدى.

كونفەرەنتسيا سونىندا ز ا و «ينفورماتيكا سيبيري» ، و و و «برەگيس» جانە ت و و «MedElement»  دەگەن مەديتسينالىق اقپاراتتىق جۇيەلەردىڭ وندىرۋشىلەرى العا شىعىپ، مەديتسينالىق قىزمەتكەرلەردى ءوز ونىمدەرى مەن تانىستىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى