قازاق كومپوزيتورلارى: ىبىراي ساندىباي ۇلى

 ۇكىلى ىبىراي ارابشا ساۋاتتى بولعان، انگە، ولەڭگە قۇمار، ول قازاقتىڭ اتاقتى ءانشى- اقىندارىنان (شوجە، ءبىرجان، اقان سەرى ت. ب. ) ۇلگى- ونەگە الىپ، ولاردىڭ تۆورچەستۆولىق ءداستۇرىن بويىنا ءسىڭىردى.

ۇكىلى ىبىرايدىڭ "گاككۋ" (4 ءتۇرى) ، "شالقىما"، "كوكشە"، "جەلدىرمە" ت. ب. 40 قا جۋىق اندەرى بار. ەل اراسىنا كەڭىنەن تاراعان "گاككۋ" ءانى ىبىراي شىعارماشىلىعىنىڭ شىڭى بولىپ تابىلادى. ىبىرايدىڭ اندەرى جاستىق شاقتىڭ جالىن اتقان نازىك، تازا ماحاببات سەزىمىنە، وپتيميستىك اۋەنگە، مەلوديالىق كوركەم سازعا تولى، تەرەڭ ويلى بولىپ كەلەدى. ە. گ. برۋسيلوۆسكيي "گاككۋ" ءانىن "قىز جىبەك" وپەراسىندا (جىبەكتىڭ نەگىزگى ارياسى) .

"اراراي" ءانىن "ەر تارعىن" وپەراسىندا (اقجۇنىستىڭ ارياسى) پايدالاندى. ىبىراي اندەرىن العاش نوتاعا تۇسىرگەن ا. ۆ. زاتايەۆيچ پەن ي. ۆ. كوتسىك. ىبىراي اقىندىق ونەرىمەن دە ايگىلى بولدى. ىبىرايدىڭ ولەڭدەرىن "بوستاندىق تۋى" گازەتىنە جاريالاپ، اقىننىڭ تۆورچەستۆوسى تۋرالى كەلەلى پىكىر ايتقان جازۋشى س. مۇقانوۆ، سونداي- اق ادەبي مۇراسىن بايسالدى زەرتتەگەن ادەبيەت سىنشىسى ە. ىسمايىلوۆ بولدى. دراماتۋرگ ش. ءحۇسايىنوۆ ىبىراي تۋرالى "قايران گاككۋ" پەساسىن جازدى.

ىبىراي پوەزياسى تاقىرىبى جاعىنان الۋان ءتۇرلى. ونىڭ ءبىر سالاسى جاستىق شاقتىڭ قىزىعىن جىرلاۋعا ارنالعان. "قاراقات كوز"، "تويدا ءبىر نۇرىڭ بالقيدى"، "قارالدىم" ت. ب. ولەڭدەرى جاستىقتىڭ نازىك سەزىمىن شەرتەدى. "ءبىر قىزىق يت جۇگىرتىپ اڭ اۋلاسا" ولەڭى اڭشىلىق، ساياتشىلىقتى بەينەلەيدى. ريەۆوليۋتسياگا دەيىنگى ءومىردى كوزىمەن كورگەن اقىن سوۆەتتىك جاڭا زاماندى، تەڭدىك العان كەدەيلەردىڭ قۋانىشىن ("وكتيابردىڭ جەڭىسى"، "وتاربا") پاش ەتتى. يمپروۆيزاتور ىبىرايدىڭ تىڭنان سۋىرىپ سالىپ ايتقان ولەڭدەرى دە (دوسكەي، ەسىمبەت، قوجاقمەت اقىندارمەن ايتىستارى) كوپ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى