ق ر ۇلتتىق قاۋىپسىزدىك كوميتەتىنىڭ شەكارا قىزمەتى جاڭا قارۋ- جاراق پەن تەحنيكامەن تولىقتى - فوتو
«شەكارا زاستاۆالارى مەن وتريادتارىنىڭ ينفراقۇرىلىمدارىن نىعايتۋ، ماتەريالدىق- تەحنيكالىق بازاسىن جاقسارتۋ، شەكارانى كۇزەتۋ ءىسىن زاماناۋي تەحنيكالىق قۇرالدارمەن، قارۋ- جاراقپەن، اۆياتسيامەن، اۆتوموبيلمەن، ينجەنەرلىك جانە ارنايى تەحنيكامەن جابدىقتاۋ جۇمىستارى جوسپار بويىنشا جۇرگىزىلۋدە» ، - دەپ اتاپ ءوتتى قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ باسشىسى نۇرتاي ابىقايەۆ سالتاناتتى شارادا، دەپ حابارلايدى ق ر ۇ ق ك ش ق باسپا ءسوز قىزمەتىنەن.
نۇرتاي ابىقايەۆ ءتورت بىردەي بولىمشە باسشىلارىنا اۆتوموبيل كىلتتەرىن تاپسىردى. شەكارا قىزمەتىنىڭ قاراماعىنا كەلىپ تۇسكەن اۆتوتراكتورلى تەحنيكا قوناقتار نازارىنا ۇسىنىلدى. شەكاراشىلار ءۇشىن «ۋاز» ، «ۋرال» ، «گاز» جانە باسقا دا وكىلدىك دەڭگەيدەگى جەڭىل اۆتوتەحنيكالار ساتىپ الىنعان.
«ارنايى تەحنيكالاردىڭ قاتارىنا قارشاڭعىلارى، تراكتورلار، اۆتوكراندار قويىلعان. سونداي- اق، قۇرامالار مەن بولىمدەردىڭ قىزمەتىن قامتاماسىز ەتۋگە ارنالعان رەفريجەراتورلاردى (ازىق- تۇلىك ونىمدەرىن جەتكىزەتىن) ؛ جىلجىمالى رەنتگەندى- فليۋوروگرافيالىق كەشەندى جانە ەلدى مەكەندەردەن الىس ورنالاسقان اسكەري بولىمشەلەردىڭ جەكە قۇرامىن مەديتسينالىق تەكسەرۋدەن وتكىزۋگە ارنالعان ستوماتولوگيالىق كەشەندى؛ مەديتسينالىق قامتۋدى ۇيىمداستىرۋعا ارنالعان سانيتارلىق ماشينالاردى؛ ءىز كەسۋ جولاعىن دايىنداۋعا ارنالعان تراكتورلاردى كورۋگە بولادى» ، دەلىنگەن حابارلامادا.
بۇدان باسقا، شەكاراشىلاردىڭ تاماعى، كۇندەلىكتى قىزمەتتە قولدانىلاتىن تەحنولوگيالىق قۇرال- جابدىقتار، جانار- جاعارمايدى ساقتاۋعا، ءبولىپ بەرۋگە ارنالعان تەحنيكالىق قۇرالدار، سونداي- اق تاسىمالداۋعا ارنالعان زاتتار كورمەگە قويىلدى.
«قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ ەلىمىزدى 2050 - جىلعا دەيىن دامىتۋدىڭ باستى باسىمدىقتارىن اتاپ ءوتتى، - دەدى شەكارا ۆەدومستۆوسىنىڭ باسشىسى ءوز سوزىندە، - ءبىز بۇگىن قويىلعان مىندەتتەردى شىن مانىندە جۇزەگە اسىرۋدامىز» .
ايتا كەتەيىك، 2013 - جىلى شەكارا قىزمەتىنە 600 دانا تەحنيكا تۇسكەن بولسا، 2014 - جىلى 400 دەي تەحنيكانى ساتىپ الۋ جوسپارلانىپ وتىر.
