مەملەكەتتىك تۋدى قۇرمەتتەمەگەن الماتىلىق جۇرگىزۋشى جاۋاپكەرشىلىككە تارتىلدى
«ينتەرنەت بەتىندە جۇك كولىگىنە برەزەنت رەتىندە جابىلعان مەملەكەتتىك تۋعا قاتىستى شىققان فوتوسۋرەتكە بايلانىستى الماتى قالالىق ءى ءى د تەكسەرۋ جۇرگىزىپ، سول كولىكتىڭ جۇرگىزۋشىسىن انىقتادى. ول - الماتى وبلىسى قاراساي اۋدانىنىڭ تۇرعىنى، 1988 - جىلى تۋعان ازامات بولىپ شىقتى» دەلىنگەن حابارلامادا.
«بۇل ازامات سول جۇك كولىگىمەن ءبىر قۇرىلىس نىسانىنان قوقىس شىعارعانىن جانە ونى الدىندا تاۋىپ العان مەملەكەتتىك تۋمەن جاپقانىن ايتقان. الماتى قالاسىنىڭ مەدەۋ اۋداندىق ءى ءى ب ۋچاسكەلىك ينسپەكتورى ق ر اكىمشىلىك قۇقىق بۇزۋشىلىق كودەكسىنىڭ 354-1 -بابىندا قارالعان قۇقىق بۇزۋشىلىقتار، ياعني مەملەكەتتىك تۋدى قولدانۋ ءتارتىبىن بۇزعاندىق ارەكەتى بويىنشا اكىمشىلىك وندىرىستىك ءىس قوزعادى. 1x2 مەترلىك مەملەكەتتىك تۋ اتالعان ازاماتتىڭ مەكەن- جايىنان تابىلدى» - دەدى الماتى ق. ءى ءى د رەسمي وكىلى، پوليتسيا مايورى سالتانات ازىربەك.
ءتيىستى ۆەدومستۆونىڭ اقپاراتى بويىنشا، جوعارىدا اتالعان باپتا كورسەتىلگەن تارتىپكە سايكەس، زاڭ بۇزۋشىعا 200 ا ە ك كولەمىندە ايىپپۇل سالۋ كوزدەلگەن. تاياۋ ۋاقىتتا بۇل ازاماتتىڭ ۇستىنەن شەشىم شىعارۋ ءۇشىن ءىس الماتى قالاسىنىڭ اۋدان ارالىق مامانداندىرىلعان اكىمشىلىك سوتىنا تارتىلادى.
اۆتور: جاپپاربەرگەن ايبوتا
