وڭتۇستىك كورەيا مەن ا ق ش بىرلەسكەن اسكەري جاتتىعۋلارىن باستادى
lenta.ru-دىڭ جازۋىنشا، جاتتىعۋعا 50 مىڭ وڭتۇستىك كورەيالىق جانە 30 مىڭ ا ق ش-تىق جاۋىنگەرلەر تارتىلعان. ا ق ش جاۋىنگەرلەرىنىڭ 3 مىڭى ءوز ەلىنەن كەلسە، قالعاندارى شەتەلدىك بازالاردان شاقىرىلىپ وتىر.
ايتا كەتەيىك، بۇل جاتتىعۋعا قاتىستى كورەي حالىق دەموكراتيالىق رەسپۋبليكاسىنىڭ باسشىلىعى نارازىلىعىن ءبىلدىرىپ، وڭتۇستىك كورەيا مەن ا ق ش-تىڭ بىرلەسكەن جاتتىعۋلارىن «يادرولىق سوعىسقا دايىندىق» دەپ باعالاعان بولاتىن. وسىعان جاۋاپ رەتىندە رەسمي پحەنيان «اياۋسىز ەسكەرتپە سوققى» بەرەتىنىن مالىمدەگەن. بۇل تۋرالى ك ح د ر-نىڭ ورتالىق تەلەگراف اگەنتتىگى (ك و ت ا) كورەي حالىق اسكەرى باس شتابىنىڭ رەسمي وكىلىنە سىلتەمە جاساي وتىرىپ، حابارلاعان بولاتىن.
- تامىزدا پحەنيان جاتتىعۋلارعا نارازىلىق رەتىندە قىسقا قاشىقتىقتاعى ءۇش زىمىرانىن جاپون تەڭىزى باعىتىندا سىناقتان وتكىزگەن ەدى. ولار وڭتۇستىك كورەياعا ريم پاپاسى فرانتسيسكتىڭ كەلۋىنە جارتى ساعات قالعاندا جىبەرىلگەن بولاتىن.
