مادەنيەت ءمينيسترىنىڭ تەلەفونى قالاي ۇرلاندى؟
وقيعا مينيستر ماي بينت مۇحاممەد ءال حاليفانىڭ ماروككونىڭ تانجەر قالاسىنا ساپارى كەزىندە بولدى.
ۇيالى تەلەفونىنىڭ ۇرلانعانىن بايقاعان مينيستر پوليتسياعا شاعىمداندى. قۇقىق قورعاۋ قىزمەتكەرلەرى قىلمىستىڭ بەينەباقىلاۋ كامەرالارىنا ىلىككەنىن انىقتادى. بەينەجازبادان جەرگىلىكتى جۋرناليست قىزداردىڭ ءبىرىنىڭ ءمينيستردىڭ ۇستەلىندەگى ۇيالى تەلەفوندى الىپ، سومكەسىنە سالعانىن كورۋگە بولادى. بۇقارالىق اقپارات قۇرالى قىزمەتكەرى ءوز ءۇيىنىڭ ماڭىنان ۇستالدى. ول كىناسىن مويىنداپ، ۇرلانعان زاتتى قايتاردى.
بۇعان دەيىن ۆەتنام سانيتار دارىگەرىنىڭ تىكەلەي ەفير كەزىندە ءوز ۇيالى تەلەفونىن لاقتىرىپ جىبەرگەنى حابارلانعان ەدى. سانيتار دارىگەر جەرگىلىكتى تەلەارنالاردىڭ ءبىرىنىڭ تاڭعى شوۋ باعدارلاماسىنا لانگشون پروۆينتسياسىنداعى رامماسۋن تايفۋنىنىڭ سالدارى تۋرالى اڭگىمەلەۋگە شاقىرىلعان. اڭگىمە بارىسىندا تەلەفونى شىرىلدايدى، وعان نارازى بولعان ستۋديا قوناعى تەلەفونىن لاقتىرىپ جىبەرەدى. ءبىراق ەشتەڭە بولماعانداي اڭگىمەسىن جالعاستىرا كەتەدى. YouTube كە ورنالاستىرىلعان بۇل بەينەروليكتى بىرنەشە كۇن ىشىندە ەكى ميلليوننان استام ادام تاماشالادى.
Tengrinews.kz
