ايەلدىڭ تۇرمىسقا شىعۋ تۋرالى ويى مەن شەشىمىن ساعات دىبىسى جەدەلدەدى - ا ق ش عالىمدارى
ساعاتتىڭ جۇرىسىنە ءمان بەرگەن كەزدە ايەلدەر كوبىنە تەزىرەك تۇرمىسقا شىعىپ، بالالى بولۋدى ەرىكسىز ويلاپ كەتەدى. ونى ا ق ش عالىمدارىنىڭ ەكسپەريمەنتى دالەلدەدى.
Myjane.ru. سايتىنىڭ جازۋىنشا، عالىمدار سىناعىنا 59 ادام قاتىسقان. ىشىندە ەرلەر دە، ايەلدەر دە بولعان. تاپسىرما بويىنشا، ولاردىڭ بارلىعىنا قاشان تۇرمىس قۇرعىسى كەلەتىنى تۋرالى ورتاق سۇراق قويىلادى. ءبىراق، العاشقىسىندا ولار تىپ-تىنىش بولمەدە وتىرىپ ويلانسا، سىناقتىڭ ەكىنشى كەزەڭىندە بولمەگە ساعات اكەلىنىپ، ونىڭ ءجۇرىسىن ەستىپ وتىرىپ ويلانۋ كەرەك بولادى.
ارنايى سىناق جۇرگىزگەن زەرتتەۋشىلەر ساعات ءجۇرىسىنىڭ دىبىسى قاتىسۋشىلاردىڭ بارلىعىنا اسەر ەتكەنىن ايتادى. ساعات ءجۇرىسى ولاردى قاتتى ويلاندىرعانى سونشالىق، الدىڭعى سىناقتاعىداي ەكى ويلى قىلماي، ەرتەرەك وتباسىن قۇرۋ كەرەك دەگەن شەشىمگە كەلتىرگەن.
اسىرەسە، ساعات ايەلدەر شەشىمىنە ايتارلىقتاي ىقپال ەتكەن. ولار سول ساتتە تۇرمىسقا شىعىپ، بالالى بولۋعا دايىن ەكەنىن ءتۇسىنىپ قانا قويماي، ۇسىنىس بولسا، شەشىم قابىلداۋعا ءازىر بولعان.
ال ەر ادامدار ەرتەرەك ۇيلەنۋ كەرەك ەكەن دەپ قانا ويلاعان، دەپ جازادى شەتەلدىك ب ا ق.
