ىستامبۇلدا تۇركى الەمىنىڭ كوركەم تۋىندىلارى كورمەگە قويىلدى
شارانىڭ باس ۇيىمداستىرۋشىسى تۇركسوي ۇيىمى سۋرەت كورمەسىن سوناۋ 1998- جىلدان بەرى ءداستۇرلى تۇردە وتكىزىپ كەلەدى. وسىعان دەيىن تۇركى الەمىنىڭ كوركەم تۋىندىلارى دۇنيەجۇزىنىڭ ءبىرقاتار ەلىندە بولىپ، جەرگىلىكتى حالىق پەن ونەر سىنشىلارى تاراپىنان جوعارى باعالاندى. ويتكەنى بۇل كورمەدە ورىن العان ءار شىعارما تۇركى جۇرتىنىڭ سان عاسىرلىق تاريحىن، باي مادەنيەتى مەن تۇرمىس-تىرشىلىگىن تانىتۋدا.
«الەمنىڭ مادەني استاناسى ىستامبۇلداي تاريحي شاھاردا بۇل ايتۋلى كورمەنىڭ ءوتۋى بەكەر ەمەس. قالاعا قىدىرىپ كەلگەن شەتەلدىك تۋريستەر دولماباحچە سارايىن ارالاپ بولعان سوڭ، كورمە زالىنا ارنايى كىرىپ، كوركەم تۋىندىلاردى تاماشالايدى دەپ جوسپارلاپ وتىرمىز. كورمە اي سوڭىنا دەيىن جالعاسادى. كەلىپ كورەمىن دەۋشىلەرگە ەسىگىمىز اشىق»، - تۇركسوي ۇيىمى باس حاتشىسىنىڭ ورىنباسارى فىرات پۋرتاش.
