پاريجدە ساۋد حانزاداسىن تونادى
قاسكويلەر 250 مىڭ ەۋرو اقشانى جىمقىرعان جانە اۆتوموبيلدى تارتىپ العان. بۇل تۋرالى بۇگىن BFM- TV تەلەارناسى جاريا ەتتى. ساۋدتىق كورول وتباسىنىڭ قاي مۇشەسى جونىندە اڭگىمە بولىپ وتىرعاندىعى ايتىلماعان.
تەلەارنانىڭ اقپاراتىنا قاراعاندا، وقيعا قالادان شىعار جەردە بولعان. ساۋد ارابياسى ەلشىلىگىنىڭ اۆتوموبيلىنە اۆتوماتپەن قارۋلانعان بىرنەشە ادام شابۋىل جاساعان. اقشادان باسقا ولار ديپلوماتيالىق ميسسيانىڭ قۇجاتتارىن جانە حانزادانىڭ جەكە زاتتارىن الىپ كەتكەن. پوليتسيانىڭ حابارلاۋىنشا، قارۋ قولدانىلماعان، زارداپ شەككەندەر جوق. شابۋىل جاساعاندار ءىز جاسىرعان. وقيعانى تەكسەرۋ امالدارى باستالدى.
پاريجدىڭ سولتۇستىك شەتى ارقىلى رۋاسسي- شارل- دە جانە لە-بۋرجە اۋەجايلارىن جالعاستىراتىن كۇرەجول وتەدى، بۇل جەردە بۇدان بۇرىن دا وسىنداي اتى- شۋلى وقيعالار بولعان.
