قىرعىزستان ارتىستەرى قازاقستاندا جول-كولىك اپاتىنا ۇشىرادى
پوليتسيا مالىمەتىنە سۇيەنسەك، كولىك جۇرگىزۋشىسى جولدا ۇيىقتاپ كەتكەن.
جول-كولىك اپاتى سالدارىنان ونەرپازداردىڭ التاۋى زارداپ شەگىپ، شەتپەدەگى اۋداندىق جانە اقتاۋداعى وبلىستىق اۋرۋحاناعا جەتكىزىلدى. پوليتسيانىڭ حابارلاۋىنشا، ولاردىڭ جاعدايلارى قاۋىپتى دەڭگەيدە ەمەس.
ماڭعىستاۋ وبلىستىق اۋرۋحاناسىنىڭ ديرەكتورى نۇرلان تلەپوۆتىڭ حابارلاۋىنشا، جاپا شەككەندەر تراۆموتولوگيا مەن نەيروحيرۋرگيا بولىمشەلەرىنە ورنالاستىرىلعان. كوبى باسىنان جاراقاتتانعان، بىرەۋىنىڭ ومىرتقاسى جانشىلىپ، سىنعان.
قىرعىزستان ونەرپازدارى ماڭعىستاۋعا تۇركمەنستاندا وتكەن «دوستىق» فەستيۆالىنەن كەلە جاتقان.
