ەۋروپا ليگاسى: «ۆيلياررەالعا» قارسى وينايتىن «استانانى» قولداۋ ءۇشىن جانكۇيەرلەر ەلىمىزدىڭ بارلىق وڭىرلەرىنەن كەلمەكشى

بۇل تۋرالى بيلەت ساتۋدى ۇيىمداستىراتىن «مەلومان» جەلىسى حابارلاپ وتىر.

«بيلەتتەر كاسسالارعا تەك كەشە عانا ءتۇستى، دەگەنمەن ولاردىڭ ءوتۋ جىلدامدىعى قازاقستاندىقتاردىڭ بۇل ويىندى اسىعا كۇتىپ جۇرگەنىن كورسەتەدى. ساتىپ الۋشىلار بيلەتتەردى وزدەرىنە، وتباسىنا، كەيبىرى ءتىپتى ماتچتى كورىپ، ەلىمىزدىڭ كومانداسىنا جانكۇيەر بولۋ ءۇشىن باسقا قالالاردان كەلەتىن دوستارىنا الىپ جاتقاندارىن ايتادى.

«استانا» كلۋبىنىڭ جەتىستىكتەرى بارشا قازاقستاندىقتاردى بىرىكتىرە العانى قانداي تاماشا. ەندى فۋتبولشىلارىمىز جەرگە قاراتپاس دەگەن ۇمىتتەمىز»، - دەيدى ايگۇل ەسىمدى «مەلومان» جەلىسىنىڭ كاسسيرى.

ونىڭ ايتۋىنشا، بيلەتتەر ساتىلىمعا تۇسپەي جاتىپ-اق، ەلىمىزدىڭ تۇكپىر-تۇكپىرىنەن قوڭىراۋ شالۋشىلار كوبەيىپ، ولار بيلەتتىڭ قۇنىن، قاشان ساتىلا باستايتىنىن سۇراستىرعان.

بۇرىن حابارلانعانداي، «استانا» مەن «ۆيلياررەال» اراسىنداعى ماتچتىڭ بيلەتتەرى 4 كاتەگورياعا بولىنگەن. ولار 500-دەن 3 مىڭ تەڭگەگە دەيىن تۇرادى.

ايتا كەتەيىك، كوماندالاردىڭ قارىمتا كەزدەسۋى 28- تامىزدا يسپانيادا وتەدى. ەگەر وسى ەكى ويىننىڭ ورتاق ناتيجەسى بويىنشا قازاقستاندىق كوماندا جەڭىسكە جەتسە، ول ەۋروكۋبوك جۇلدەسىنىڭ نەگىزگى كەستەسىنە وتەدى.

اۆتور: ءابۋ-اسقار مەكەش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى