قازاقستاندىق ەسكەكشىلەر ستۋدەنتتەر اراسىنداعى الەم چەمپيوناتىندا كۇمىس جۇلدەنى جەڭىپ الدى

sk-sport.kz سايتىنىڭ حابارلاۋىنشا، 1000 مەترلىك ارالىقتا تورتتىك-بايداركامەن داۋلەت سۇلتانبەكوۆ، يليا گولەندوۆ، اندرەي ەرگۋچيەۆ جانە يۋري بەرەزينتسيەۆ 2 مينۋت 57.785 سەكۋند ۋاقىتپەن ەكىنشى كەلدى. ال ەڭ ۇزدىك ۋاقىتتى (2 مينۋت 56.735 سەكۋند) پولشالىق سپورتشىلار كورسەتتى. ءۇشىنشى ورىنعا الەم بىرىنشىلىگىنىڭ قوجايىندارى تۇراقتادى.

«ارينە، ءاردايىم بۇدان دا جوعارى جەتىستىكتەردى قالاپ تۇراسىڭ، دەگەنمەن بۇل ءبىزدىڭ ەڭ العاشقى الەمدىك دارەجەدەگى مەدالىمىز، سوندىقتان ءبىز شەكسىز قۋانىشتىمىز. بۇرىن ءبىز مۇنداي دەڭگەيدەگى چەمپيوناتىن تەك ارمانداۋشى ەدىك»، - دەپ اتاپ ءوتتى يليا گولەندوۆ.

ايتا كەتەيىك، ستۋدەنتتەر اراسىنداعى الەم چەمپيوناتى بۇگىن بىتەدى. جارىسقا 22 ەلدىڭ 250 سپورتشىسى قاتىسۋدا.

اۆتور: ءابۋ-اسقار مەكەش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى