سارايشىقتىڭ سىرىن اشۋ كەرەك
28 تاۋلىكتە 8 مىڭ شاقىرىم جولدى ارتقا تاستاعان ەكسپەديتسيا مۇشەلەرى بۇل ساپاردان العان اسەرلەرىن ايتىپ تاۋىسا المادى.
ولاردى قازاق جەرىنىڭ كەڭدىگى مەن حالقىنىڭ دارحان مىنەزى، قوناقجاي مەيماندوستىعى تاڭعالدىرعان. قىتايلىقتار بۇعان دەيىن الماتى، جامبىل وبلىستارىندا بولىپ، اتىراۋداعى قازاق حاندىعىنىڭ تۇڭعىش استاناسى سارايشىق قالاسىنىڭ ورنىن ارالادى. مۇنداعى مۇراجايدا قىتايدا جاسالعان كونە مونەتالار ساقتالىپ تۇر.
ۇلى جىبەك جولىنداعى باستى بەكەت بولعان سارايشىقتا تالاي سىر بۇعىلىپ جاتقانى انىق. قىتايلىق مەيماندار «قازاقستاندا تاريحي ەستەركىشتەرگە جەتە كوڭىل بولىنەدى ەكەن. بۇل وتە قۋانارلىق جايت» ، - دەيدى. ەرتەڭ ەكپسەديتسيا رەسەيگە جول تارتادى. ودان ءارى گرۋزيا، تۇركيا، گرەكيا ارقىلى سوڭعى نۇكتە ريمگە جەتەدى.
دجان ليدجۋن، «ۇلى جىبەك جولى» ەكسپەديتسياسىنىڭ مۇشەسى (ق ح ر):
- ەكى مەملەكەت باسشىلارىنىڭ ۇيعارىمىمەن قولعا الىنعان يگى شارا تەك مادەنيەت پەن تاريحتى قامتىپ قويمايدى، سونىمەن قاتار ۇلى جىبەك جولىنداعى ەلدەردىڭ بۇگىنگى الەۋمەتتىك- ەكونوميكالىق احۋالىنان دا اقپاراتتار جينايدى. بۇل ساپارىمىزدا ءبىز قازاقستانعا 3 مارتە كىرىپ شىقتىق. بۇل قازاق دالاسىنىڭ كەڭدىگىنىڭ ايعاعى. كوپتەگەن كونە جادىگەردى تاماشالاپ، تاريحي ورىنداردى ارالادىق. وسىلايشا قازاقستاننىڭ بولاشاقتا تۋريزمدى دامىتۋدا ۇلكەن مۇمكىندىگىنىڭ بار ەكەندىگىنە كۋا بولدىق.
