الماتىدا جىل سوڭىنا دەيىن ءىرى ءزىلزالا بولمايدى
«جىلدىڭ باسىندا الماتى توڭىرەگىندە ءبىر جىل ىشىندە قانداي جەر سىلكىنىسى بولاتىنىن بولجاممەن قاراستىرامىز. ورتا مەرزىم بولجامى بويىنشا ءزىلزالا بولۋى مۇمكىندىگى 0,7 گە تەڭ.
جالپى وسىنداي باياۋ جەر سىلكىنىستەرى بولىپ تۇرادى. جىلدىڭ ورتاسىندا سول مالىمەتتەرىمىزدى تەكسەردىك. ءوزىمىزدىڭ ءبىرىنشى بەرگەن تۇجىرىمدامامىزدى ساقتاپ تۇرمىز. جالپى ەشقانداي قاۋىپ- قاتەر جوق» ، - دەدى سەيسمولوگيا ينستيتۋتىنىڭ ديرەكتورى تاڭاتقان اباقانوۆ.
ايتا كەتەيىك، الماتىدا 16 - تامىز ساعات 03:42 دە جەر سىلكىندى. تەربەلىس 5 بال شاماسىندا بولعان. سەيسمولوگيا ينستيتۋتىنىڭ ماماندارى جەر ءدۇمپۋىنىڭ وشاعى الماتى قالاسىنىڭ شىعىسىنا قاراي 41 شاقىرىم جەردە ەسىك قالاسىنىڭ ماڭىندا 5 شاقىرىم تەرەڭدىكتە بولعانىن تىركەدى.
