ۇلتتىق تەلەارنادا قازىرگى زاماننىڭ باتىرلارى جايلى رەاليتي- شوۋ جارىق كورەدى

تەلەراديوكورپوراتسيانىڭ باسپا ءسوز قىزمەتى حابارلاعانداي، 7- قىركۇيەك كۇنى ساعات 19:00 دە «قازاقستان» تەلەارناسىندا رەاليتي- شوۋ جانرىندا ءتۇسىرىلىپ جاتقان «شىن جۇرەكتەن» باعدارلاماسىنىڭ العاشقى سانى ەفيرگە شىعادى.

اتالمىش جوبانىڭ باستى ماقساتى - تاسادا قالعان قازىرگى زاماننىڭ باتىرلارى دەپ ايتۋعا تۇراتىن كەيىپكەرلەردىڭ ەرلىك ارەكەتىن جان-جاقتى بايانداۋ. ونىڭ ءوز جەكە باسىنان وتكىزگەن ەڭ قىزىقتى، اسەرلى ساتتەرى تاڭدالىپ الىنىپ، كورەرمەندەر نازارىنا ۇسىنىلماق.

كوبىنەسە مەيىرىمدى جاندار وزدەرىنىڭ جاقسى ىستەرى جايلى ايتىپ جاتۋدى ۇناتا بەرمەيدى. ءبىراق ءبىز وسىنداي ەرەكشە ەرلىك، جاقسىلىق يەلەرى تۋرالى ەلدىڭ بىلگەنىن قالايمىز جانە «شىن جۇرەكتەن» ارقىلى سول ادامداردى كوپشىلىككە ۇلگى ەتەمىز. باعدارلاما ەموتسياعا تولى. ورىندى ويىن مەن ادەمى ءازىل باعدارلامانىڭ كوركىن اشپاق.

باسىن قاتەرگە تىگىپ، جالىنداعان وت ورتاسىنان ادام ءومىرىن قۇتقارعان ءورت ءسوندىرۋشى، جەتىمدى جىلاتپاي، وعان انالىق قامقورلىعىن سىيلاعان اسىل جان، ناۋقاستى اجال اۋزىنان اراشالاپ قالعان دارىگەر، ءبىر سوزبەن ايتقاندا، جارىمجان كوڭىلگە قۋانىش سىيلاپ، اينالاسىنداعىلارعا بەرگەنى مول، ءبىراق، ءوزى تاسادا قالعان جاندار تۋرالى شىتىرمانعا تولى وقيعالار جاڭا جوبانىڭ ارقاۋىنا اينالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى