ازاماتتىق سوعىس ءجۇرىپ جاتقان سيريادان تاعى ءبىر وتانداسىمىز قايتىپ كەلدى

43 جاستاعى اقبانتيك ەسىمدى وتانداسىمىزدىڭ وتباسى سول سوعىس بولىپ جاتقان ەلدە قالىپتى. ال ءوزى ەرىكتى تۇردە قازاقستانعا قايتۋعا شەشىم قابىلداعان.

وتانداسىمىز الدىمەن رەسەيدىڭ ۇشاعىمەن ماسكەۋگە دەيىن جەتىپتى.

ەندى جاقىن كۇندەرى ەلگە ورالماق. كورشىلەرىمىزدىڭ توتەنشە جاعداي قىزمەتىنە ارنالعان ۇشاعى قاندى قاقتىعىس بولىپ جاتقان سيرياعا گۋمانيتارلىق كومەك الىپ بارعان ەكەن.

رەسەيلىك قۇتقارۋشىلار كەرى جولدا ازاماتتاردىڭ وتىنىشىمەن 60 ادامدى ماسكەۋگە دەيىن الىپ قايتىپتى. ولاردىڭ 42 سى رەسەيلىكتەر، ال بىرەۋى قازاقستان، 9 ى وزبەكستان، ۋكراينا، بەلارۋس ازاماتتارى. ارالارىندا سيريالىقتار دا بار. قازىر سيريادا وپپوزيتسيا مەن ەل بيلىگى اراسىنداعى ءوزارا قاقتىعىس ۋشىعىپ تۇر. ەكى تاراپتىڭ تەكەتىرەسى ءۇش جىلدان بەرى جالعاسۋدا. ال وندا قازىر ەلىمىزدىڭ قانشا ازاماتى بار ەكەنى جونىندە ناقتى اقپارات جوق.

نۇرجان ايتماحانوۆ، ق ر سىرتقى ىستەر مينيسترلىگىنىڭ باسپا ءسوز حاتشىسى:

- سيريادا اسكەري ارەكەتتەر باستالماستان بۇرىن كونسۋلدىق تىركەۋدە تۇرعان قازاقستانننىڭ 190 ازاماتى بولعان، ءبىراق ەلگە كەرى ورالعان ازاماتتىڭ سانى 206 قۇراپ وتىر. دەگەنمەن، بەيرەسمي اقپاراتقا سۇيەنەتىن بولساق، قازىر سيريادا 40-50 قازاقستاندىق بولۋى مۇمكىن.

ktk

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى